Aýa raıy
Astana 0 °S
Almaty 8 °S
valıýta baǵamy
USD 388.81
EUR 429.01
RUB 6.08
CNY 55.49

Germanııada jolserikter ereýilge shyqty: 100 reıs keıinge qaldyryldy

2019 jyldyń 21 qazan 2019 04:24

NUR-SULTAN. QazAqparat – Lufthansa tobyna kiretin tórt áýe kompanııasynyń jolserikteri ereýil jarııalady. Osyǵan baılanysty Berlın, Gambýrg, Mıýnhen, Maındaǵy Frankfýrt, Dıýsseldorf jáne Keln áýejaılaryndaǵy reıster keıinge qaldyryldy, dep habarlaıdy Deutsche Welle.

Munyń aldynda ereýildi 20 qazanda saǵat 5-ten 11-ge deıin ótkizý josparlanǵan. Biraq qyzmetkerler ony tún jarymyna deıin sozýǵa sheshim qabyldady.

Ereýilge Eurowings, Germanwings, SunExpress jáne CityLine kompanııalarynyń qyzmetkerleri qatysýda.

Halyqaralyq Berlın-Tegel áýejaıy 15-reısti toqtatty, al Gambýrgte - 12, Mıýnhen áýejaıynda – 10-ǵa jýyq.

Maındaǵy Frankfýrt, Dıýsseldorf jáne Keln áýejaılary keıinge shegerilgen reısteriniń naqty sany qanshama ekendigin aıtpaı otyr.

Basty sózder: Álem, Oqıǵa,
Joǵary qaraı