Aýa raıy
Astana 15 °S
Almaty 26 °S
valıýta baǵamy
USD 386.05
EUR 428.25
RUB 5.84
CNY 54.65

Gollıvýd Qazaqstanda kıno túsirmekshi

2019 jyldyń 20 shilde 2019 18:32 248

NUR-SULTAN. QazAqparat – Ulttyq kınony memlekettik qoldaý ortalyǵy basqarma tóraǵasynyń strategııalyq damytý jónindegi orynbasary Igor Tsaı Los-Anjeleste amerıkalyq prodıýserlermen kelissóz ótkizdi, dep habarlaıdy QazAqparat tilshisi.

Ulttyq kınony memlekettik qoldaý ortalyǵy baspasóz qyzmetiniń habarlaýynsha, kezdesýge LIONSGATE, NBC Universal, Warner Horizon, The Discovery, Global Film Solutions jáne kıno kompanııalarynyń basshylary men ókilderi qatysqan. Prodıýserler Qazaqstandaǵy kıno óndirisi týraly jan-jaqty aqparat alǵan.

«Amerıkalyq kınoóndirýshilerdiń Qazaqstandaǵy biregeı operatory bolǵandyqtan, kıno mamandary bizben tyǵyz yntymaq ornatýǵa nıetti ekenin atap ótti. Kelesi kezdesý tamyz aıynyń sońyna josparlanyp otyr. Qazaqstanda birneshe amerıkalyq jobalardyń túsirilim boıynsha talyqlaý júrgizemiz», - deıdi Igor Tsaı.

Onyń aıtýynsha, bul kelissózge qatysqan prodıýserler osynyń aldynda ǵana Qazaqstan týraly surastyryp, mol aqparat jınaǵan.



«Biz Nur-Sultan, Almaty jáne Mańǵystaý qalalary týraly, qazaqtyń tarıhy pen mádenıeti týraly kóp málimet aldyq. Qazirdiń ózinde birneshe naqty joba josparlanǵan. Árıne, barlyq máselelerdi pysyqtaý úshin ýaqyt qajet. Bir anyǵy, Qazaqstanda kıno túsirýge múddelimiz. Qazaqstan kınosy týraly jańa zań qabyldanbaqshy. Bul da aýqymdy jobalardyń sátti uıymdastyrylýyna negiz bolady. Qazir kınematografııa salasyndaǵy sýbsıdııalardyń ereksheligin naqtylap jatyrmyz», - deıdi «Jahandyq saıasat bastamalary» kompanııasynyń prezıdenti Djeı Fýtlık.

Kelissóz barysynda Qazaqstandaǵy Gollıvýd óndirisin tarıhı, mádenı jáne ǵylymı taqyryptar boıynsha damytýǵa, Qazaqstan kınoındýstrııasyn qalyptastyrýǵa, Gollıvýd kınokompanııalarymen tájirıbe almasý esebinen otandyq kadrlardyń biliktiligin arttyrýǵa qatysty pikirtalas órbigen. Jıynda Gollıvýd alańynda «Qazaqstan kınosynyń aptalyǵyn» uıymdastyrý máseleleri de talqylandy.



Avtor Esimjan Naqtybaı
Basty sózder: Mádenıet,
Joǵary qaraı