Aýa raıy
Astana -1 °S
Almaty 3 °S
valıýta baǵamy
USD 388.81
EUR 429.01
RUB 6.08
CNY 55.49

«Hagıbıs» taıfýnynan qaza tapqandar sany 80 adamǵa jetti

2019 jyldyń 21 qazan 2019 02:32

NUR-SULTAN. QazAqparat – Japonııada «Hagıbıs» daýylynan qaza tapqandar sany 80 adamǵa jetti, dep habarlaıdy QazAqparat Kyodo agenttigine silteme jasap.

«Japonııada aýqymdy sý tasqynyna ushyratqan «Hagıbıs» taıfýny saldarynan kóz jumǵan adamdardyń sany jeksenbi kúni 80-ge deıin ósti. Іzdestirý jumystary áli jalǵasýda»,-delingen habarlamada.

Sondaı-aq sý tasqyny men nóser saldarynan ondaǵan adamnyń iz-túzsiz joǵalǵany atap ótilgen.

Japonııanyń Tabıǵı apattar men órtterdi joıý agenttiginiń derekterine qaraǵanda, surapyl daýyl saldarynan sý basqan jáne búlingen úıler sany 56 myń 753 bolyp otyr. Bul ótken jyly eldiń batysynda, 200 adamnyń ómirin qıyp ketken nóserdegi búlingen ǵımarattardan 51 myńǵa kóp.

Aıta ketsek, ótken aptada Japonııany jaıpap ótken «Hagıbıs» taıfýny sońǵy 60 jyldyń ishindegi eń surapyly bolyp otyr.

Basty sózder: Álem, Oqıǵa,
Joǵary qaraı