Aýa raıy
Astana 9 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Halqymyzdyń ómirinde patrıotızm jetekshi rólge ıe - ǵalym

2019 jyldyń 19 maýsym 2019 21:00

NUR-SULTAN. QazAqparat - Óz halqyńdy qorǵaı bilýge kelgende azamattardyń moraldyq-psıhologııalyq daıarlyǵy -patrıotızmdi tanytý bolyp sanalady. Mundaı pikirdi QR Prezıdenti janyndaǵy Qazaqstan strategııalyq zertteýler ınstıtýtynyń bas ǵylymı qyzmetkeri Georgıı Dýbovtsev bildirdi, dep habarlaıdy QazAqparat tilshisi.

«Qazaqstan Prezıdenti Qasym-Jomart Toqaev óziniń ulyqtaý rásiminde sóılegen sózinde júzege asyrylýy tıis on baǵytty aıqyndady. Ol baǵyttardyń ishinde «Rýhanı jańǵyrý» qundylyqtaryn iske asyrý barysy zor mańyzǵa ıe. Prezıdent óz sózinde «Rýhanı jańǵyrý» baǵdarlamasy «bizdiń basty rýhanı qazyǵymyz» ekenin atap ótti. Bul zańdy da. Sebebi, bizdiń memlekettimiz ben halqymyzdyń ómirinde patrıotızm jetekshi rólge ıe. Patrıottyq tárbıeniń tıimdiligin arttyrý - qazirgi jaǵdaıda memlekettiń salmaqty mindetteriniń biri», - deıdi ol.

Georgıı Dýbovtsevtiń paıymynsha, patrıottyq tárbıeniń arqasynda azamattyń Otanǵa súıispenshiligi, sana-sezimi qalyptasyp, ol el múddesi úshin eńbek etedi.

Sarapshy Qazaqstan basshylyǵynyń jas órenderdiń áskerde bolýy - árbir azamattyń patrıot sheni úshin ótetin emtıhany deýge bolatyndyǵyn jetkizdi.

«Qazaqstan Prezıdenti - Qazaqstan Qarýly Kúshteriniń Joǵarǵy Bas qolbasshysy V «Aıbyn» respýblıkalyq áskerı-patrıottyq jastar jıynynyń ashylýyna qatysýynyń zor mańyzy bar. Kóp aldynda sóılegen Prezıdent Táýelsiz elimizdiń laıyqty jastaryna zor úmit artatynyn aıtty. Eń mańyzdysy osy», - deıdi ǵalym.

Eske sala ketsek, Qazaqstan Prezıdenti - Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaev búgin V «Aıbyn» respýblıkalyq áskerı-patrıottyq jastar jıynynyń ashylýyna qatysqan bolatyn.

Joǵary qaraı