Aýa raıy
Astana 4 °S
Almaty 3 °S
valıýta baǵamy
USD 388.96
EUR 432.21
RUB 6.09
CNY 54.99

Halyq sanaǵyna paıdalanylatyn planshetter mektepterge beriledi - mınıstr

2019 jyldyń 19 maýsym 2019 13:19

NUR-SULTAN. QazAqparat - Halyq sanaǵyna paıdalanylatyn planshetter mektepterge beriledi. Bul týraly búgin Ortalyq kommýnıkatsııalar qyzmetindegi brıfıngte Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Halyq sanaǵy kelesi jyly bolady. Jalpy somasy 9 mlrd teńge shyǵyndaý josparlanýda. Eger buǵan deıingi, 10 jyl burynǵy halyq sanaǵymen salystyrar bolsaq, shyǵystar somasy birshama tómen. Negizgi somasy aqparattyq júıege jáne qural-jabyqtar men sanaqty ótkizý úshin qajetti planshetter satyp alýǵa jumsalady. Qaǵaz satyp alynbaıdy. Satyp alynsa da tym az, blanktiń ózi elektrondy bolady. Qural-jabyqtar da, aqparattyq júıe de qalady», - dedi ol.

Osy rette mınıstr sanaq júrgizýge alynatyn planshetter kimderge beriletinin aıtty.

«Planshetter komıtet (Statıstıka komıteti) jumysyna paıdalaný úshin beriledi. Sonymen qatar olardyń basym bóligi, Bilim jáne ǵylym mınıstrligi júıesine, ıaǵnı mektepterge beriledi. Sondyqtan sanaq júrgizýge satyp alynatyn qural-jabdyqtar odan ary da kádege jaraıdy. Tolyqtaı alǵanda sanaqtyń basty ereksheligi onyń elektrondy túrde ótýi bolmaq. Elektrondy túrde birden óńdelip, málimetter tekseriledi. Sodan keıin birden sanaqtyń aldyn ala nátıjesimen tanysa alatyn bolamyz», - dedi Rýslan Dálenov.

Joǵary qaraı