Aýa raıy
Astana -1 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

HEB odaǵynyń Bas hatshysy Toqaevqa 5G boıynsha halyqaralyq standarttary jóninde aıtty

2019 jyldyń 16 qyrkúıek 2019 19:08

NUR-SULTAN. QazAqparat - Qazaqstan Prezıdenti Qasym-Jomart Toqaev Halyqaralyq elektr baılanysy odaǵynyń Bas hatshysy Chjao Hoýlındi qabyldady, dep habarlaıdy QazAqparat Aqordaǵa silteme jasap.

Kezdesý barysynda Qazaqstan men Halyqaralyq elektr baılanysy odaǵynyń ınfokommýnıkatsııalyq tehnologııa salasyndaǵy ózara is-qımyl máseleleri talqylandy.

Prezıdent Qazaqstanda jańa ınnovatsııalar men tehnologııalardy damytýǵa jáne engizýge basa mán beriletinin atap ótti. Memleket basshysy óńirde zamanaýı ınfokommýnıkatsııalyq ınfraqurylym qurýdyń mańyzdylyǵyn aıtty.

Chjao Hoýlın Qasym-Jomart Toqaevqa Halyqaralyq elektr baılanysy odaǵy qyzmetiniń negizgi baǵyttary týraly málimdedi. Atap aıtqanda, ol Prezıdentke ózi basqaratyn odaqtyń 4G jáne 5G sııaqty telekommýnıkatsııalar men qyzmet kórsetý salasy boıynsha ázirlep jatqan halyqaralyq standarttary jóninde aıtty.




Halyqaralyq elektr baılanysy odaǵy Bas hatshysynyń baǵalaýynsha, Qazaqstanda blokcheın, Big Data tehnologııalaryn, jańa sandyq qarjy quraldaryn paıdalanýǵa, sondaı-aq, aýyl sharýashylyǵynda, bilim berý jáne densaýlyq saqtaý salalarynda, memlekettik basqarý isinde keńinen qoldanylatyn aqparattyq-kommýnıkatsııalyq tehnologııalardy engizýge jaqsy múmkindikter jasalǵan dep sanaıdy.

Kezdesýge Tsıfrlyq damý, qorǵanys jáne aeroǵarysh ónerkásibi mınıstri Asqar Jumaǵalıev, Prezıdenttiń kómekshisi Murat Nurtileýov, Halyqaralyq elektr baılanysy odaǵynyń óńirlik ókili Kırıll Oparın qatysty.


Joǵary qaraı