Aýa raıy
Astana -9 °S
Almaty 0 °S
valıýta baǵamy
USD 389.86
EUR 435.32
RUB 6.12
CNY 55.12

ІІM oqý ortalyqtary nelikten taratyldy

2019 jyldyń 25 mamyr 2019 15:55

NUR-SULTAN. QazAqparat - QR Іshki ister mınıstriniń orynbasary Alekseı Kalaıchıdı vedomstvoǵa qarasty oqý oryndarynyń nelikten taratylǵanyn túsindirip berdi, dep habarlaıdy QazAqparat tilshisi.

«Eger jastardy 4 jyl boıy oqytsaq - bul uzaq jol. Ýaqyt ornynda turmaıdy, bizge qazirgi ýaqytta sheshimdi áreketter qajet. Sondyqtan osyndaı mamandardy daıyndaıtyn elimizdiń joǵary oqý oryndarymen jumys júrgizip jatyrmyz. Olardy qabyldap, bilimin jetildiremiz. Baǵdarlama úsh jáne alty aılyq bolyp bólinedi. Barlyǵy adamnyń qaı baǵytta bilim jetildiretinine baılanysty. Jedel ýákilder, tergeýshiler men krımınalıster 6 aılyq kýrsta, sholǵynshy polıtsııa, ýchaskelik ınspektor, kóshi-qon polıtsııasy 3 aılyq kýrsta daıyndyqtan ótedi», - dedi ol QR Іshki ister mınıstri Erlan Turǵymbaevtyń tóraǵalyǵymen ótken vedomstvoǵa qarasty JOO basshylarymen jıyn aıasynda.

Onyń atap ótýinshe, oqý ortalyqtaryn taratýǵa oqytýshylar quramynyń talapqa saı kelmeýi, materıaldyq-tehnıkalyq bazanyń jetkiliksizdigi sebep bolǵan. Sonymen qatar, A.Kalaıchıdı elimizdiń Іshki ister mınıstrligi kıberqylmyspen kúreste qanshaı sharalardy qolǵa alatynyn aıtty.

«Kıberqylmys tek bizdiń memleketimizge ǵana tán qazirgi zamanǵy syn-tegeýrin emes. Bul problemamen búkil álem betpe-bet kelip otyr. Sondyqtan ІT-mamandaryn daıyndaýǵa aıryqsha nazar aýdarylýda. Sebebi qylmysqa qarsy is-qımyldyń dástúrli ádisteri kıberqylmysty anyqtaýda, jolyn kesýde jáne ashýda aıtarlyqtaı tıimdi emes»,- dedi mınıstrdiń orynbasary.

Joǵary qaraı