Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Іshimdik ishken qostanaılyq óz balasyn urlap ketti

2019 jyldyń 10 qyrkúıek 2019 18:50

QOSTANAI. QazAqparat – Qostanaılyq polıtseıler urlanǵan balany anasyna bir saǵattyń ishinde qaıtardy, dep habarlaıdy QazAqparat Qostanaı oblysy PD baspasóz qyzmetine silteme jasap.

Búgin «102» nómirine oblys ortalyǵynyń 28 jastaǵy turǵynynan habarlama kelip túsken. Ol óziniń 5 jasar ulyn burynǵy jubaıy balabaqshadan alyp ketkenin habarlady. Anasy er adamnyń mas bolǵanyn jáne belgisiz baǵytta ketip qalǵanyn aıtqan. Sondaı-aq, uıaly telefonǵa jaýap bermegen.

«Oqıǵa ornyna jedel tergeý toby shyqty. Polıtsııa izdestirý is-sharalary barysynda er adamnyń turǵan jerin anyqtap, ony «KSK» shaǵyn aýdanyndaǵy dúkenniń janynan ustady. Al balabaqsha qalanyń ońtústik bóliginde ornalasqan.

Qazirgi ýaqytta er adam medıtsınalyq aıyqtyrǵyshqa ornalastyryldy, oǵan qatysty «Adam urlaý» baby boıynsha sotqa deıingi tergeý bastaldy» delingen polıtsııanyń habarlamasynda.

Qazirgi ýaqytta urlanǵan bala anasyna qaıtaryldy.

Joǵary qaraı