Aýa raıy
Astana 27 °S
Almaty 24 °S
valıýta baǵamy
USD 386.82
EUR 428.67
RUB 5.86
CNY 54.95

Іshki ister organdarynyń birneshe qyzmetkerine sot úkimi shyqty

2019 jyldyń 9 shilde 2019 11:56 2059

NUR-SULTAN. QazAqparat - Elimizdiń birqatar óńirinde para alǵany úshin isti bolǵan birneshe  polıtsııa qyzmetkerine sot úkimi shyqty. Bul týraly QR Sybaılas jemqorlyqqa qarsy is-qımyl agenttiginen málim etti, dep habarlaıdy QazAqparat tilshisi.

«QR Sybaılas jemqorlyqqa qarsy is-qımyl agenttigi memlekettik organdardaǵy jemqorlyq kórinisteriniń aldyn alý  jáne jolyn kesý  jumystaryn turaqty negizde únemi júrgizip keledi. Olardyń keıbirinde, onyń ishinde ishki ister organdarynda jemqorlyq táýekeliniń deńgeıi joǵary bolyp tur. Máselen, respýblıka óńirlerinde túrli laýazymdy qyzmet atqarǵan polıtsııa qyzmetkerlerine qatysty ótken aptada aıyptaý úkimi shyqty», - delingen vedomstvo taratqan aqparatta.

Atap aıtqanda, Qaraǵandy qalasy Oktıabr aýdandyq sotynyń úkimimen júk avtokólik quralynyń kedergisiz júrýi men jalpy qamqorlyǵy úshin jeke tulǵadan para alǵan jol-sholǵynshy polıtsııa polkiniń rota komandıri, polıtsııa maıory M.Kaskınge  aıyppul salyndy. Al Qostanaı qalasynyń №2 sotynyń úkimimen jalpy qamqorlyǵy úshin qaramaǵyndaǵy qyzmetkerlerinen para alyp, bıligin asyra paıdalanǵan Jetiqara qalalyq polıtsııa bólimi jergilikti polıtsııa bóliminiń  bólimshe bastyǵy, polıtsııa maıory Q.Ysqaqov 15 mln teńge aıyppul tóleıtin boldy. Dál osy qalalyq sottyń úkimimen jeńgetaılyqpen aınalysqan tulǵanyń qylmystyq áreketterge qamqorlyq tanytqany úshin Qostanaı oblystyq polıtsııa departamenti  uıymdasqan qylmyspen kúres basqarmasynyń jedel ýákili polıtsııa maıory  M.Erboluly men polıtsııa kapıtany A.Saqov 5 jyldaryn túrmede ótkizedi. Óskemen qalalyq №2 sotynyń úkimimen kúdiktini qylmystyq jaýapkershilikten jaltartqany úshin 250 myń teńge para alǵan Úlbi aýdandyq polıtsııa bóliminiń aǵa tergeýshisi D.Alqanov 7,5 mln teńge aıyppul tóleıdi.

«Atalǵan tulǵalardyń barlyǵy ómir boıy memlekettik qyzmette laýazymdy qyzmet atqarý quqyqtarynan, sonymen qatar polıtsııa ofıtseri arnaıy shenderinen aıyryldy», - dep atap ótedi agenttikten.

 

 

Joǵary qaraı