Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qala turǵyndary kúnde aýyldan sút alyp turady - Atyraýda jańa joba usynyldy

2019 jyldyń 20 qyrkúıek 2019 14:15

ATYRAÝ. QazAqparat – «Jasyl ekonomıka jáne G-Global-dy damytý koalıtsııasy» Qazaqstanda «Balkondaǵy sıyr» jobasyn júzege asyrýdy usyndy. Mundaı usynysty atalǵan koalıtsııa basqarmasynyń tóraıymy Saltanat Raqymbekova Atyraý oblysynda ótip jatqan Aýyl áıelderiniń forýmynda jasaǵan, dep habarlaıdy QazAqparat tilshisi.

S. Raqymbekovanyń atalǵan forýmdaǵy baıandamasyn koalıtsııanyń baspasóz hatshysy Merýert Abdalıeva Facebook-tegi paraqshasyna ornalastyrǵan.

«Koalıtsııa «Balkondaǵy sıyr» jobasyn usynady. Alǵash ret «Balkondaǵy sıyr» jobasyn Ońtústik Oraldan (Reseı) fermer Aleksandr Gladılov oılap taýyp engizgen. Bıznes-joba Magnıtogorsk qalasynda iske qosyldy. Erekshe ataýyna qaramastan sıyr «páterde» emes, fermada turady. Janýarlarǵa tájirıbeli saýynshylar kútim jasaıdy. Al sıyrdyń ıesi qalalyq azamat kúndelikti aýyldan sút alyp turady», - dedi Raqymbekova óz baıandamasynda.

Onyń atap ótýinshe, Qazaqstanda bul joba týraly alǵash ret Aqmola oblysyndaǵy fermerlik sharýashylyq basshysy, «Coco-Cola belesteri» áleýmettik jobasynyń jeńimpazy Gúlmaıra Baımaqova bastama kótergen. Gúlmaıra Baımaqova bul jobany Aqkól aýdanynda uıymdastyryp, oǵan Stepnogorsk qalasy men óziniń fermerlik sharýashylyǵyn qosqan.

«Búgingi kúni biz Nur-Sultan qalasynda turatyn kópbalaly analar jetekshisi Svetlana Trýbıtsınamen birge «Balkondaǵy sıyr» jobasynyń ekinshi modelin jasadyq. Biz Arshaly aýdanynda jobany Nur-Sultan jáne Arnasaı JQSh turǵyndaryn jobaǵa biriktire otyryp iske asyrýdy usynamyz. Jobanyń máni: kópbalaly analar sıyrlardy satyp alyp, olardy aýyl sharýashylyǵy kooperatıvine nemese sharýa qojalyqtaryna jalǵa beredi. Jaldaý aqysy retinde kúnine tabıǵı súttiń úsh lıtri nemese qaımaq, súzbe, maı nemese et túrindegi qundyq balamasy usynylady. Jáne de bul jeti jyl boıy júrgiziledi. Joba ekonomıkasy: maldyń quny 250-300 myń teńge. Kún saıyn 12 lıtr, onyń 3 lıtri sıyr ıesine túsedi. Reprodýktıvti janýardyń ortasha jasy shamamen 7 jyldy quraıdy. Salym birinshi jyl ishinde óteledi. Óıtkeni ınvestorǵa dúkenderden sút, qaımaq, maı jáne basqa da ónimderdi satyp alýdyń qajeti joq», - dedi Saltanat Raqymbekova.


Joǵary qaraı