Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Qanat Islam Almatyda ashyq jattyǵý ótkizdi

2019 jyldyń 17 qazan 2019 01:12

ALMATY. QazAqparat – Qazaqstandyq kásipqoı boksshy Qanat Islam WBO chempıony Demetrıýs Andrademen jekpe-jek ótkizýdi josparlaýda, dep habarlaıdy QazAqparat.

Q.Islam aldaǵy aıqasy aldynda Almatyda ashyq jattyǵý ótkizdi.

«Ózimdi jaqsy sezinemin. Óz Otanymda kezekti ret óner kórsetetinime baqyttymyn. Jankúıerlerimdi kórgenime qýanyshtymyn. Olardyń qoldaýy men úshin mańyzdy. Jekpe-jekke tolyǵymen daıynmyn. Qarsylasym jaqyn ýaqytta keledi. Iá, ol myqty boksshy. Biraq men kóńilimdi birinshi kezekte ózime bólemin. Ne bolaryn kóremiz», - dedi ol.




Boksshy sondaı-aq aldaǵy josparlary týraly aıtty.

«Birqatar elden kóptegen usynystar túsip jatyr. Qazir olardy qarastyrýdamyz. Qazaqstanda eki aıqas ótkizýdi sheshtik. Bul, dene daıarlyǵymdy qalypty formaǵa keltirýge septigin tıgizedi. Osydan keıin úlken qarsylastarǵa daıyn bolamyn. Andrademen jekpe-jek ótkizgim kele me? Nelikten bolmasqa?! Bul – meniń maqsatym jáne men soǵan qaraı jyljyp kelemin», - dep qosty sportshy.




Aıta keteıik, buǵan deıin Qanat Islam Ýolter Kaýtondokvamen jekpe-jekke arnalǵan baspasóz máslıhatynda Gennadıı Golovkındi jeńgen meksıkalyq Saýl Alvarespen aıqasqa daıyn ekendigin málimdegen bolatyn.

Ashyq aspan astyndaǵy jattyǵýǵa Q.Islammen birge Almatydaǵy keshtiń anderkardynda shyǵatyn Rýslan Myrsataev, Arman Rysbek, Asqar Erýbek jáne Beksultan Raýshanov qatysty.

Sharaǵa boksúıer qaýymnyń qarasy kóp jınaldy. Olar sportshylarmen sýretke túsip, qoltańbalaryn aldy.

Eske salaıyq, 26 qazan kúni Almatydaǵy B.Sholaq atyndaǵy sport jáne mádenıet saraıynda kásipqoı boks keshi ótedi. Onyń basty aıqasynda Qanat Islam (26-0, 21 KO) amerıkalyq Ýolter Kaýtondokvamen (18-1, 17 KO) kezdesedi. Olar qazirgi ýaqytta qazaqstandyq boksshyǵa tıesili birinshi orta salmaqtaǵy WBO International tıtýlyn sarapqa salady.

Búgingi kúni Ýolter Kaýtondokva WBO nusqasy boıynsha TOP-10 boksshynyń arasynda 9-orynǵa ornalasqan.

Kesh barysynda Qazaqstan, AQSh, Qytaı jáne Eýropa ókilderiniń qatysýymen barlyǵy 9 aıqas ótkiziledi. QP TV tuńǵysh qazaqstandyq strımıngtik platformasy álemniń 150 eline tikeleı efır taratatyn bolady.

Bıletterdiń satylymy bastaldy.

Avtor Mıra Tólendiqyzy
Basty sózder: Sport, Boks,
Joǵary qaraı