Aýa raıy
Astana -7 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

«Kanelo» Golovkınmen úshinshi ret jekpe-jekke shyqpaıtynyn málimdedi

2019 jyldyń 16 qazan 2019 12:16

NUR-SULTAN. QazAqparat – Orta salmaqtaǵy WBA Super beldiginiń ıesi, meksıkalyq boksshy Saýl «Kanelo» Alvares Gennadıı Golovkınmen úshinshi márte jekpe-jek ótkizgisi kelmeıtinin taǵy da málim etti, dep habarlaıdy QazAqparat Sports.kz-ke silteme jasap.

«Sportshy bıik tuǵyrǵa shyqqan kezde oǵan kóngisi kelmeıtinder, sizdiń isińizdi qoldamaıtyndar tabylady. Biraq bul asyǵy alshysynan túsken adamnyń aınalasynda bola beretin qalypty jaǵdaı.

Biraq men ózim týraly aıtylatyn unamsyz jaıttarǵa mán bermeımin. Men ony motıvatsııa retinde qabyldaımyn, óıtkeni keıde adamdar boksty túsinbese de oıyndaǵysyn aıta beredi», - dedi Alvares.

«Golovkınniń bapkeriniń (Abel Sanches) maǵan arnap aıtqan sózderinen keıin Golovkındi jeńgenime qýanamyn. Óıtkeni bul onyń da, ózgelerdiń de aýzyna qum quıdy. Golovkın men jaıly áli de aıta beredi, biraq biz endi qarsylas emespiz. Men úshin ol múlde qyzyqsyz», - dep málim etken meksıkalyq boksshy Boxingscene.com portalyna bergen suhbatynda.

Basty sózder: Sport, Gennadıı Golovkın,
Joǵary qaraı