Aýa raıy
Astana -1 °S
Almaty 4 °S
valıýta baǵamy
USD 389.75
EUR 434.26
RUB 6.12
CNY 55.05

Qaraǵandy oblysy ákiminiń jańa orynbasary taǵaıyndaldy

2019 jyldyń 6 qyrkúıek 2019 17:28

QARAǴANDY. QazAqparat – 41 jastaǵy Abzal Núkenov Qaraǵandy oblysy ákiminiń orynbasary bolyp taǵaıyndaldy. Ol buǵan deıin elordadaǵy «Astana» halyqaralyq ǵylymı kesheni Dırektorlar keńesi tóraǵasynyń orynbasary bolyp qyzmet atqarǵan. Kadrlyq ózgerister týraly aktıv otyrysynda óńir basshysy Erlan Qoshanov málim etti, dep habarlaıdy QazAqparat tilshisi.

«QR Prezıdenti Ákimshiliginiń kelisimimen Abzal Núkenuly oblys ákiminiń orynbasary bolyp taǵaıyndaldy. Ol áleýmettik sala men ishki saıasatqa jaýap beredi. Oǵan bilim, densaýlyq saqtaý, mádenıet pen sport salasy, til saıasaty, ishki saıası turaqtylyq pen konfessııaaralyq kelisimdi qamtamasyz etý máselesi, jastarmen jáne BAQ-pen jumys kiredi», - dedi Erlan Qoshanov.






Abzal Núkenov 1978 jyly 21 maýsymda Almaty oblysy Aqsý aýdanynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin «saıasattanýshy, saıasattaný oqytýshysy» mamandyǵy boıynsha aıaqtaǵan. Saıasattaný ǵylymdarynyń kandıdaty.

Eńbek jolyn 2000 jyly «Otan» Respýblıkalyq saıası partııasynan bastaǵan. 2005 jyldan bastap memlekettik qyzmetke kiristi.

2011-2016 jyldar aralyǵynda QR Prezıdenti Ákimshiliginde Qaýipsizdik keńesi Ahýaldyq ortalyǵynyń meńgerýshisi bolyp qyzmet atqarǵan.

2016-2018 jyldary QR Din isteri jáne azamattyq qoǵam vıtse-mınıstri boldy.

2018 jyldyń tamyz aıynan qazirgi ýaqytqa deıin «Astana» halyqaralyq ǵylymı kesheniniń Dırektorlar keńesi tóraǵasynyń orynbasary qyzmetin atqarǵan.









Joǵary qaraı