Aýa raıy
Astana 15 °S
Almaty 26 °S
valıýta baǵamy
USD 386.05
EUR 428.25
RUB 5.84
CNY 54.65

Qaraǵandy oblysynda belsendirilgen kómir óndiriletin bolady

2019 jyldyń 19 shilde 2019 20:31 263

QARAǴANDY. QazAqparat - Jaqynda Qaraǵandy oblysynda jańa óndiris paıda bolady. «Shubarkólkómir» kásipornynda koks úgindilerinen jasalǵan belsendirilgen kómir shyǵarylady. Qazir jabdyq tolyǵymen qurastyrylǵan. Ázirge jóndeý-retteý jumystary júrgizilýde, dep habarlaıdy QazAqparat tilshisi.

Jańa óndiris qalaı jumys isteıtini týraly Qaraǵandy oblysynyń ákimi Erlan Koshanovqa kásiporyn mamandary aımaq basshysynyń zaýytqa jumys sapary barysynda aıtyp berdi.



Koks untaqtarynan belsendirilgen kómir óndirý qondyrǵysy jaqyn arada jolǵa qoıylyp, iske qosýǵa daıyn bolady. Іske qosý-retteý jumystary aıaqtalǵannan keıin óndiristi sertıfıkattaý bastalady.

Bastapqy málimet boıynsha, daıyn ónimniń 80% ishki qazaqstandyq naryqqa jóneltetin bolady.

«Otandyq ónimniń baǵasy aıtarlyqtaı tómen, al sapasy jaqsy bolady», - dep túsindirdi «Shubarkól Kómir» AQ koks hımııalyq tsehynyń dırektory Sabyrjan Imanbaev.

Belsendirilgen kómir kárizdik sýlardy tazartý úshin qoldanylady. Sondaı-aq baǵaly metaldar óndirisinde, atap aıtqanda altyndy siltileý kezinde paıdalanylady.

«Biz bolashaqqa senimmen qaraımyz, sebebi jańa óndiristi iske qosý satysynda turmyz. Áleýetti tutynýshylarmen baılanys ornatýdamyz. Sondaı-aq, óndiris qýaty 400 myń tonna jańa koks-hımııa zaýytyn salýdy josparlap otyrmyz. Ol qaýipsizdik, avtomattandyrý, ekologııa jaǵynan zamanaýı bolady. Bul joba 2023 jyly júzege asyrylady. Ony iske qosqannan keıin biz qoldanystaǵy kásiporyndy jańǵyrtýǵa toqtatamyz. Biz qazir jobalaýdy aıaqtaý barysyndamyz», - dedi Sabyrjan Imanbaev.

Erlan Qoshanov sondaı-aq ónerkásipshilermen jumys kadrlarymen qamtamasyz etý máselelerin de talqylady. Óńir basshysy kásiporyn ákimshiligine oblys kolledjderiniń birin senimdi basqarýǵa alýdy usyndy.

«Ózderińizge qajetti mamandyqtar boıynsha túlekterdi daıyndańyzdar. Biz qazir jumysshy mamandyqtarǵa oqytý tásilin ózgertemiz. Mamandyq atlasyn quryp, odan barlyq suranysqa ıe bolmaǵan mamandyqtardy alyp tastadyq. Oqytýshylardy shaqyramyz jáne qashyqtyqtan oqytý júıesin paıdalanamyz. Kolledjderde jumys berýshiler-iri kásiporyndarǵa qajetti mamandardy oqytý kerek», - dep túsindirdi oblys ákimi.

«Shubarkólkómir» AQ ákimshiligi bul ıdeıany quptady. Sabyrjan Imanbaevtyń aıtýynsha, qazir kásiporyn Qaraǵandy oblysynyń joǵary oqý oryndarymen tyǵyz baılanysta.

Joǵary qaraı