Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qaraǵandy oblysynda kómir onlaın-tapsyryspen satyla bastady

2019 jyldyń 12 qyrkúıek 2019 00:44

QARAǴANDY. QazAqparat – Qaraǵandy oblysynda kómirdi onlaın-tapsyryspen satý bastaldy, dep habarlaıdy QazAqparat.

«Qaraǵandy oblysynda kómir naryǵyndaǵy dúrligýge jol bermeý úshin barlyq qajetti sharalar jasalýda. Bılik kúndelikti rejımde jaǵdaıdy qadaǵalap otyr. Satyp alýshylardyń yńǵaılylyǵy úshin óńirde kómir jetkizý jónindegi call-ortalyq ashyldy jáne saıtta ótinimderdi alystan qabyldaý uıymdastyryldy», - dedi oblys ákimdiginen.

Osy oraıda, aımaq basshysynyń orynbasary Almas Aıdarov kómir satý beketteriniń jumysyn tekserip qaıtty.
«Qazir kómir maýsymynyń qyzý kezeńi bastaldy. Biz jazdan bastap halyqty otyndy aldyn ala satyp alýǵa shaqyrdyq. Usynystar jetkilikti bolýy úshin jetkizýshilermen jumys istedik. Ótken jyly bul tájirıbe sátti júzege asyryldy. Alaıda, shilde men tamyz aılarynda ótken jylǵa qaraǵanda kómir az satyp alynǵanyn kórdik. Múmkin, bul jazdyń ystyq bolýymen baılasty bolar», - dep atap ótti ol.





Kómir alýǵa uzyn-sonar kezekti boldyrmaý úshin onlaın-jetkizý qyzmeti arqyly kómirdi satyp alý boıynsha pılottyq joba iske qosyldy. Ákim orynbasary jańa qyzmet týraly aıtyp berdi.
7543.kz saıtynda Shubarkól kómirin satyp alýǵa onlaın-tapsyrys jasaýǵa bolady. Sondaı-aq, 7543 nómirimen oblystyń barlyq turǵyndary úshin qoljetimdi call-ortalyq jumys isteıdi.
Onlaın-tapsyrys boıynsha kómirdiń bir tonnasy 10 100 teńgeni quraıdy. Jetkizý tólemi mekenjaıǵa baılanysty 5 000 teńgeden bastalady.
«Biz kórip otyrǵanymyzdaı, búgingi tańda bul eń arzan baǵa. Buǵan qosa, kómirdiń sapaly bolýynyń kepili bolyp tabylady. Jetkizý kezinde bank kartasy arqyly nemese qolma-qol aqshamen tóleýge bolady», - dep atap ótti Almas Aıdarov.
Ákimdik aqparatynsha, bıylǵy jyly oblysta 37 mln tonna kómir óndirý josparlanyp otyr, bul ótken jyldyń nátıjesinen 2 mln tonnaǵa artyq. Jalpy kólemniń 4,5 mln tonnasy – kommýnaldyq-turmystyq kómir, al 1,3 mln tonnany qaraǵandylyqtar tutynady. ıAǵnı, kómir jetkilikti. Monıtorıng málimetteri boıynsha, jetkizý negizinen kúnbe-kún, keıbir jaǵdaılarda eki táýlikke sozylady. Satyp alýshylardyń qalaýy boıynsha naqty bir belgilengen kúni jetkizýge tapsyrys berýge bolady.





Oblys ákiminiń orynbasary turǵyndardy jańa servısti paıdalanýǵa shaqyrdy. Onyń aıtýynsha, Qaraǵandynyń eń iri pýnktinde kúnine 120-130 mashına jóneltiledi. Qaraǵandy qalasynda qosymsha Prıshahtınsk shaǵynaýdanynda, Vereagın kóshesi, 1/1 mekenjaıy boıynsha kómir satý núktesi ashyldy.

Esterińizge sala keteıik, Qaraǵandy oblysy ákimdiginiń saıtynda kómir satý núkteleriniń ınteraktıvti kartasy bar. Onyń kómegimen paıdalanýshylar eń jaqyn núkteni ońaı anyqtaı alady, sonymen qatar tutynýshylar qatty otynnyń satylymda bolýy men quny týraly aıtyp beretin telefon nómirlerin bile alady.
Kómirmen baılanysty suraqtar men shaǵymdar boıynsha oblystyq call-ortalyqqa +7(7212) 42-10-88 nómiri boıynsha habarlasýǵa bolady.





Basty sózder: Aımaq, Ákim, Qaraǵandy oblysy,
Joǵary qaraı