Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qaraǵandy oblysynyń ákimi Kúngeıdegi problemalardy bilip qaıtty

2019 jyldyń 16 qyrkúıek 2019 12:07

QARAǴANDY. QazAqparat – Qaraǵandy oblysynyń ákimi Erlan Qoshanov ınfraqurylymnyń joqtyǵyna, joldyń nasharlyǵy men qoǵamdyq kóliktiń jumysyna shaǵymdanǵan Kúngeı yqshamaýdanynyń turǵyndarymen kezdesti, dep habarlaıdy QazAqparat.

Oblys ákimdiginiń aqparatyna sáıkes, bul shaǵynaýdannyń problemalary bılikke burynnan belgili. Bastapqyda atalmysh jeke sektor ınjenerlik júıesiz salynǵan. Sondyqtan jergilikti ákimdik máseleni birtindep sheshýge nıetti. Kúngeıdi damytýdyń úsh kezeńdi jospary ázirlendi.





Óńir basshysynyń aıtýynsha, birinshi kezekte sýmen jabdyqtaý, elektr jelileri, káriz júıesi jáne joldar máselesi sheshilýde. Mysaly, bıyl 83 shaqyrym sý qubyry jelileriniń qurylysy aıaqtalady. Ótken jyly Kúngeıde 4 shaqyrym asfalt tóseldi. Jol máselesi 2020 jyly tolyǵymen sheshilmek.





Kezdesýde ózge de problemaly máseleler atap ótildi. Mysaly, qoǵamdyq kóliktiń qozǵalysyna qatysty shaǵym aıtyldy. Jergilikti turǵyndar eski avtobýsty aýystyrýdy surady. Al júrgizýshilerge baǵyttan jaltarýǵa jol bermeý úshin Erlan Qoshanov aıaldamalarǵa beınebaqylaý kameralaryn ornatýdy tapsyrdy.
Búgingi kúni Kýngeıde 3 myńǵa jýyq adam turady. Oblys ákimi shaǵynaýdan birte-birte tolyǵymen abattandyrylatynyna sendirdi. Barlyq suraqtardyń sheshilýin ol jeke baqylaýǵa aldy.





Basty sózder: Aımaq, Ákim, Qaraǵandy oblysy,
Joǵary qaraı