Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Qaraǵandy vokzalyn qalpyna keltirý jumystary aıaqtalýǵa jaqyn

2019 jyldyń 16 qyrkúıek 2019 14:56

QARAǴANDY. QazAqparat – Qaraǵandy qalasynyń temirjol vokzalynda jóndeý jumystary aıaqtalýǵa jaqyn. Qalpyna keltirilgen bas ǵımarat osy aptada ashylatyny kútilýde, dep habarlaıdy QazAqparat.

«Jolaýshylar kóp uzamaı jasalǵan ózgeristerge baǵa bere alady. Alaıda, jańa korpýstyń qurylysy áli de jalǵasýda. Ondaǵy jumystardy qurylysshylar qarasha aıynda aıaqtaýdy josparlap otyr.
Bul nysan Qaraǵandy oblysynyń ákimi Erlan Qoshanovtyń turaqty baqylaýynda. Óńir basshysy jumys sapary barysynda vokzalǵa baryp qaıtty. Ony jumystyń sapasy men jobanyń tolyq aıaqtalý merzimi qyzyqtyrdy», - dedi aımaq ákimdiginen.





Qurylysshylar vokzaldyń eski ǵımaratyn kúrdeli jóndeýden ótkizdi. Ǵımaratta elektrondyq aqparattyq tablo qosylady. Qazirgi ýaqytta edendi jylytý jáne termoretteý júıeleriniń jumys isteýine tekserý júrgizilýde. Munda kassalar, bagajdy tekserý pýnktteri, eki kútý zaly bar. Múmkindigi shekteýli adamdarǵa, ana men balaǵa arnalǵan bólmeler paıda boldy.

Vokzaldyń jańa korpýsynyń qurylysy keste boıynsha júrip jatyr. Qańqasy turǵyzyldy, ishinde árleý jumystary, lıft pen eskalatorlar ornatý júrip jatyr. Sonymen qatar qasbetti travertınmen qaptaý bastaldy.











«Platformalarǵa aparatyn konkorstyq ótkeldi montajdaý úshin barlyq qajetti sharttar jasaldy. Qurylystyń bul bóligin qazan aıynyń basynda aıaqtaýdy josparlap otyrmyz», - dedi «Qazaqstan temir joly» AQ fılıalynyń bas dırektory Erkin Meıirbekov.
Temir jol vokzalynyń jańa qanatynda qosymsha kassalar men kútý zaldary, fýdkorttar ornalasqan. Múmkindigi shekteýli adamdarǵa arnalǵan kótergishter ornatylady.
Erlan Qoshanov jolaýshylarǵa yńǵaısyzdyq týdyrmaý úshin kesteni qatań saqtaýdy jáne qatty sýyqqa deıin jańartylǵan vokzaldy ashýdy tapsyrdy.
Aıta keteıik, vokzal ǵımaratyna mundaı aýqymdy rekonstrýktsııa buǵan deıin júrgizilmegen. Qurylysshylar úshin basty mindet ǵımarattyń tarıhı kelbetin saqtap, sonymen qatar ony qazirgi zamanǵy normalar men talaptarǵa sáıkes etý boldy. Aokzaldyń ótkizý qabileti 2,5 esege artatyny kútiledi.












Basty sózder: Qaraǵandy oblysy, Ákim, Qurylys, Aımaq,
Joǵary qaraı