Aýa raıy
Astana 1 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Qaraǵandyda aýdan ákiminiń orynbasary para aldy degen kúdikke ilikti

2019 jyldyń 12 qyrkúıek 2019 12:11

NUR-SULTAN. QazAqparat – Qaraǵandy oblysynda eki laýazymdy tulǵa para alý kúdigine ilikti. Olardyń qatarynda ákimdiktiń jáne Eńbek ınspektsııasy basqarmasynyń qyzmetkerleri bar, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń deregine sáıkes, Jańaarqa aýdany ákiminiń orynbasary jer komıssııasynyń tóraǵasy jer ýchaskesin uzaq merzimge jalǵa berýge ruqsat alý máselesin oń sheship bergeni úshin 200 myń teńge para alý kúdigine iligip otyr. Sondaı-aq, «Qaraǵandy oblystyq eńbek ınspektsııasy basqarmasy» memlekettik mekemesiniń memlekettik ınspektory kásiporyndarda eńbekti qorǵaý jáne qaýipsizdik kýrsyn oqymaı jáne emtıhan tapsyrmastan sertıfıkat bergeni úshin 20 myń teńge alǵany úshin ustaldy.

«Sotqa deıingi tergeý amaldary jalǵasyp jatyr. Kúdiktilerge qatysty sońǵy sheshimdi olardyń kináliliginiń deńgeıin anyqtaı otyryp sot shyǵarady», - delingen agenttik aqparatynda.


Joǵary qaraı