Aýa raıy
Astana -2 °S
Almaty 20 °S
valıýta baǵamy
USD 389.98
EUR 434.01
RUB 6.10
CNY 55.04

Qaraǵandyda aýdarylǵan batýt: qylmystyq is qozǵaldy

2019 jyldyń 25 mamyr 2019 20:23

QARAǴANDY. QazAqparat - Qaraǵandydaǵy qaıǵyly oqıǵaǵa baılanysty qylmystyq is qozǵaldy, dep habarlaıdy QazAqparat tilshisi.

Eske sala keteıik, búgin Qaraǵandy qalasynyń Ortalyq saıabaǵynda kúshti jelden úrlemeli batýt aýdarylyp qalǵan bolatyn. Oqıǵa saldarynan 12 jasar bala alǵan jaraqatynan oqıǵa ornynda kóz jumdy.

Batýtta bolǵan taǵy 3 bala túrli jaraqatpen aýrýhanaǵa jatqyzyldy.

«Qaıtys bolǵan bala - Rýdakov D. M. 03.02.2007 jyly týǵan. Qaraǵandy qalasynyń turǵyny. Aýrýhanaǵa jetkizilgen balalardyń biri - Lenzehan V.E 22.4.2004 jyly týǵan. Sol jaq qolynyń bir saýsaǵy jaraqattanǵan. Ol Maqajanov atyndaǵy travmatologııa ortalyǵynyń jaraqat pýnktine jetkizildi. Ekinshi bala - Amanqulov I. 19.8.2004 jyly týǵan. Sol aıaǵynyń súıegi synyp, jyljyp ketken, keýde bóliginiń omyrtqasynda jabyq synyq anyqtaldy, julyny zaqymdanbaǵan. Úshinshi bala Saran qalasynan kelgen - Kómekova J. 01.02.2012 jyly týǵan. Balanyń ishi aýyr jaraqattanǵan», - dep habarlady Qaraǵandy oblysy densaýlyq saqtaý basqarmasynyń baspasóz qyzmeti.

Vedomstvo ókilderiniń aıtýynsha, jedel járdem brıgadasy oqıǵa ornyna 3-4 mınýtta jetken. Oqıǵa ornynda 5 JMK brıgadasy jáne bir apattyq medıtsına brıgadasy jumys istedi.

Qaraǵandy oblystyq polıtsııa departamentiniń habarlaýynsha, atalǵan derek negizinde QR QK 306-baby 3-bólimi («Adam ólimine ákep soqqan qaýipsizdik talaptaryna saı kelmeıtin qyzmet kórsetý») boıynsha qylmystyq is qozǵaldy. Qajetti saraptamalar taǵaıyndaldy. Tıisti organdar atalmysh nysandy paıdalaný jónindegi qujattamany tekserýde.

Joǵary qaraı