Aýa raıy
Astana 14 °S
Almaty 13 °S
valıýta baǵamy
USD 386.34
EUR 427.25
RUB 5.88
CNY 54.57

Qaraǵandyda «Baqytty otbasy» baǵdarlamasyna qatysýshylardy irikteý bastalady

2019 jyldyń 20 shilde 2019 01:48 409

NUR-SULTAN. QazAqparat - Qaraǵandy oblysynda «Baqytty otbasy» baǵdarlamasyna qatysýshylardy irikteý bastalady, dep habarlaıdy oblystyq ákimdiktiń baspasóz qyzmeti.

Atalmysh turǵyn úı baǵdarlamasyna 4 jáne odan da kóp balalary bar kóp balaly otbasylar, kámeletke tolmaǵan balalary bar tolyq emes otbasylar, múmkindigi shekteýli balalardy tárbıelep otyrǵan otbasylar qatysa alady.

Baǵdarlamanyń sharttary boıynsha ótinish berýshiler jergilikti atqarýshy organdarda turǵyn úı alýǵa kezekte turýy tıis.

«Baqytty otbasy» baǵdarlamasy boıynsha páter alý úshin kelesi sharttar oryndalýy tıis:

- bastapqy jarna bolýy kerek. ıAǵnı turǵyn úı qunynyń 10%.

- tólem qabilettiligin rastaý.

- otbasynyń bir múshesine tabys somasy 42 500 teńgeden aspaýy tıis.

Nesıeniń eń joǵary somasy - 10 mıllıon teńge, 20 jylǵa deıin, jyldyq mólsherleme 2%.

Joldama berý úshin qujattardy qabyldaý 22 shilde men 26 shilde aralyǵynda Qaraǵandy qalasy, Magnıtogorskaıa kóshesi, 19 mekenjaıy boıynsha jańa Maıqudyq MÚ ǵımaratynda saǵat 9.00-den 18.00-ge deıin júzege asyrylady.

Basty sózder: Qaraǵandy oblysy, Turǵyn úı,
Joǵary qaraı