Aýa raıy
Astana 10 °S
Almaty 15 °S
valıýta baǵamy
USD 389.62
EUR 429.98
RUB 6.06
CNY 55.08

Qaraǵandylyq polıtseıler azamattardy front-keńsede qabyldaı bastady

2019 jyldyń 19 maýsym 2019 21:48

QARAǴANDY. QazAqparat - Qaraǵandy oblysynda azamattardy qabyldaýǵa arnalǵan polıtsııanyń alǵashqy front-keńsesi ashyldy, dep habarlaıdy QazAqparat tilshisi.

Jańa front-keńseniń jumysy Halyqqa qyzmet kórsetý ortalyqtary qyzmetiniń qaǵıdattaryna negizdelgen. Munda torly esikter men qatań ótkizý rejımi joq. Kelýshilerdi polıtsııa qyzmetkerleri qarsy alady. Olardyń yńǵaılylyǵy úshin jaıly kútý zaly jabdyqtalǵan jáne ekranda tanymdyq aqparat kórsetiledi.

Front-keńsede «Ákimshilik polıtsııa basqarmasy», «Kóshi-qon qyzmeti basqarmasy» jáne basqa da qyzmetter bar. Onda kelýshilerge kólikti tirkeý, Qazaqstan Respýblıkasynyń azamattyǵyn alý, turaqty mekenjaıdy aýystyrý, shet elge shyǵý máselelerin sheshýge kómektesedi. Jańa nysan halyqpen jumystyń jańa formatyn engizý aıasynda ashyldy.

Elbasy Nursultan Nazarbaev óziniń Joldaýynda atap ótkendeı, «Azamattardyń sanasynda polıtsııa qyzmetkeri jazalamaıdy, kerisinshe, qıyn jaǵdaıda kómektesedi degen pikir nyǵaıýy kerek. Buǵan halyqpen jumystyń jańa zamanaýı formattary yqpal etedi, olar saıyp kelgende polıtsııany baǵalaý ólshemderin túbegeıli ózgertedi».

Azamattardy qabyldaý bólmesiniń qyzmetkerleri ótinish berýshilermen tikeleı jumys isteıtin bolady. Al bul ótinishterdi qaraý ýaqytyn qysqartýǵa, máselelerdi sheshýde qol jetimdilikti, ashyqtyqty jáne jedeldikti qamtamasyz etedi. Bul sybaılas jemqorlyq táýekelderin tómendetýge múmkindik beredi.



«Sonymen qatar, óziniń tikeleı mindetterin oryndaýdan basqa front-keńse qyzmetkerleri azamattardyń quqyq qorǵaý organdarynyń jumysyn jaqsartý boıynsha usynystaryn tirkeıdi», - dep atap ótti Qaraǵandy oblysy PD bastyǵy, polıtsııa polkovnıgi Erlan Faızýllın.

«Azamattarǵa arnalǵan qabyldaý bólmesi» polıtsııa front-keńsesiniń alǵashqy kelýshileri jańa nysannyń júmysyna oń baǵalaryn berdi. Endi barlyq máselelerdi tez, ashyq sheshýge bolady. «Eń bastysy, kabınetter boıynsha artyq júgirmeı, óz ýaqytymyzdy únemdeımiz», - deıdi qala turǵyndary.




Joǵary qaraı