Aýa raıy
Astana -7 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Qasym-Jomart Toqaev aıqyn josparlaryn sapaly júzege asyra alady - «Qazaqstan 2050» Jalpyulttyq qozǵalysy

2019 jyldyń 12 maýsym 2019 16:02

NUR-SULTAN. QazAqparat - Elbasynyń bastamasymen qurylǵan «Qazaqstan 2050» Jalpyulttyq qozǵalysy Qazaqstan Respýblıkasy Prezıdenti bolyp saılanǵan Qasym-Jomart Toqaevty quttyqtady, dep habarlaıdy QazAqparat.

«Qazaqstan Respýblıkasynyń Tuńǵysh Prezıdenti Nursultan Nazarbaevtyń «Qazaqstan 2050» strategııasynda jazylǵan saıası baǵytyn qoldaý arqyly Qazaqstannyń álemniń eń damyǵan 30 eli qataryna enýin qamtamasyz etedi dep senemiz! Qozǵalysymyz qazaqstandyq memlekettilik negizinde jatqan berik qundylyqtardy, ult birligin, etnıkaaralyq jáne konfessııaaralyq kelisimdi, azamattyq teńdik pen tilder úshtuǵyrlyǵyn, tózimdilikti, sondaı-aq qazaq halqynyń baı salt-dástúri men mádenıetin qoldaıdy» delingen habarlamada.

Sondaı-aq, «Qazaqstan 2050» Jalpyulttyq qozǵalysy Qasym-Jomart Kemeluly óz josparlaryn abyroımen, sapaly júzege asyratynyna senim bildirdi: «Saılaý ótti, qorytyndy shyqty, osyndaı sharalardy bitirgennen keıin naqty jumys isteıtin ýaqyt keledi. Jańa saılanǵan Prezıdent retinde Qasym-Jomart Kemelulynyń aıqyn da anyq josparlary bar, solardy abyroımen, sapaly júzege asyrady dep senemiz!»

Joǵary qaraı