Aýa raıy
Astana 23 °S
Almaty 23 °S
valıýta baǵamy
USD 386.34
EUR 427.25
RUB 5.88
CNY 54.57

Qasym-Jomart Toqaev: Basty maqsat – qolda bar múmkindikterdi tolyq paıdalaný

2019 jyldyń 15 shilde 2019 10:16 559

NUR-SULTAN. QazAqparat –QR Prezıdenti Qasym-Jomart Toqaev bıylǵy ekonomıkalyq kórsetkishter halyqtyń turmysyna oń yqpal etetinin aıtty, dep habarlaıdy QazAqparat tilshisi.

«Kún tártibi boıynsha birqatar ózekti máseleler bar. Bul máseleler boıynsha biz tıisti sheshimderdi qabyldaýymyz qajet. Aldymen ótken jarty jyldyń áleýmettik-ekonomıkalyq damý qortyndylaryn qarastyramyz. Jalpy, qańtar-maýsym aılarynda jaqsy kórsetkishterge qol jetkizdik dep aıtýǵa bolady. Atap aıtsaq, ekonomıkalyq ósim 4,1 paıyzdy qurady. Inflıatsııanyń jyldyq kórsetkishi 5,4 paıyz boldy», - dedi Memleket basshysy Úkimettiń keńeıtilgen otyrysynda.

Sonymen qatar, Prezıdent negizgi kapıtalǵa salynǵan ınvestıtsııalardyń kólemi 11,7 paıyzǵa óskenin atap ótti.

«Árıne, atalǵan ekonomıkalyq kórsetkishterdiń barlyǵy halyqtyń turmysyna oń yqpal etýi tıis. Qazir osy baǵytta tıisti jumystardy talqylap, aldaǵy josparlardy anyqtaımyz. Basty maqsat – qolda bar múmkindikterdi , áleýetimizdi tolyq paıdalaný. Atalǵan jetistikterimizdi eseleýimiz kerek», - dedi Qasym-Jomart Toqaev.

Joǵary qaraı