Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qasym-Jomart Toqaev búgingi kadrlyq aýys-túıisterge qatysty pikir bildirdi

2019 jyldyń 18 qyrkúıek 2019 20:14

NUR-SULTAN. QazAqparat - Memleket basshysy Qasym-Jomart Toqaev búgingi kadrlyq ózgeristerge qatysty pikir bildirdi, dep habarlaıdy QazAqparat Prezıdenttiń Twitter paraqshasyna silteme jasap.

«Tájirıbeli memlekettik qyzmetshi Qyrymbek Kósherbaev Marat Tájınniń ornyna Memlekettik hatshy laýazymyna taǵaıyndaldy. Uzaq jyldar boıy memleket isine sińirgen eńbegi úshin Marat Tájınge alǵys aıtamyn. Onyń bilimi men biligi elimizdiń ıgiligine qyzmet ete beredi», - dep jazdy Qasym-Jomart Toqaev.

Ol sondaı-aq, basqa da aýys-túıisterge qatysty pikir bildirdi.

«B.Atamqulov Indýstrııa jáne ınfraqurylymdyq damý mınıstri laýazymyna aýystyryldy. Ol SІM ókilettiginiń keńeıýine baılanysty mınıstrliktiń qurylymyn qaıta qurý boıynsha paıdaly jumys atqardy. Tabysty eńbek jolynan ótken R.Sklıar Premer-mınıstrdiń orynbasary bolyp taǵaıyndaldy», - deıdi Memleket basshysy.

Eske sala keteıik, búgin Memleket basshysynyń Jarlyǵymen Erlan Qoshanov Qazaqstan Respýblıkasy Prezıdenti Ákimshiliginiń Basshysy qyzmetine taǵaıyndaldy. Marat Tájın basqa jumysqa aýysýyna baılanysty Qazaqstan Respýblıkasynyń Memlekettik hatshysy qyzmetinen bosatyldy. Al Qyrymbek Kósherbaev - Qazaqstan Respýblıkasynyń Memlekettik hatshysy, Roman Sklıar - Qazaqstan Respýblıkasy Premer-Mınıstriniń orynbasary boldy.

Sondaı-aq, Beıbit Atamqulov Qazaqstan Respýblıkasynyń Indýstrııa jáne ınfraqurylymdyq damý mınıstri, Muhtar Tileýberdi Qazaqstan Respýblıkasynyń Syrtqy ister mınıstri qyzmetine taǵaıyndaldy.


Joǵary qaraı