Aýa raıy
Astana 0 °S
Almaty 16 °S
valıýta baǵamy
USD 389.59
EUR 429.06
RUB 6.05
CNY 55.07

Qasym-Jomart Toqaev Qytaıǵa saparynda Aqjarqyn Turlybaıdyń taǵdyryna arasha tústi

2019 jyldyń 13 qyrkúıek 2019 15:53

NUR-SULTAN. QazAqparat – Qazaqstan Prezıdenti Qasym-Jomart Toqaev Qytaıǵa memlekettik sapary barysynda osy el túrmesinde jatqan otandasymyz Aqjarqyn Turlybaıdyń máselesin kóterdi. Bul týraly búgin Ortalyq kommýnıkatsııalar qyzmetindegi brıfıngte QR Prezıdentiniń kómekshisi Murat Nurtileýov aıtty, dep habarlaıdy QazAqparat tilshisi.

«Biz jol júrgeli otyrǵanda Qasym-Jomart Kemelulynyń atyna 2014 jyly Gýanchjoý áýejaıynda Qytaı quqyqqorǵaý organdary ustaǵan otandasymyz Aqjarqyn Turlybaıdyń anasynan ótinish túsken bolatyn. Onyń mátini BAQ-ta jarııalandy. Osyǵan oraı Memleket basshysy Beıjińdegi kezdesýlerde qytaı tarapyna jeke óziniń ótinishin jetkizdi. Bul másele jan-jaqty talqylandy», - dedi Murat Nurtileýov.
Onyń atap ótýinshe, ótinish nátıjesi boıynsha Syrtqy ister mınıstrligi arqyly osy jumysty jalǵastyrý ýaǵdalastyǵyna qol jetkizildi.
«Memleket basshysy óz tarapynan bul máselege úlken kóńil bólip otyr. Sondyqtan sapar nátıjesi boıynsha beriletin tapsyrmalar tizimine otandasymyzdyń taǵdyryna qatysty másele arnaıy tarmaq retin engiziledi», - dedi Prezıdent kómekshisi.


Joǵary qaraı