Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

Qasym-Jomart Toqaev Sıngapýr aǵa mınıstrimen perspektıvalyq jobalardy talqylady

2019 jyldyń 14 qazan 2019 19:32

NUR-SULTAN. QazAqparat - Memleket basshysy Sıngapýrdyń aǵa mınıstri – ulttyq qaýipsizdik máseleleri jónindegi úılestirýshi mınıstr Teo Chı Hındi qabyldady, dep habarlady Aqordanyń baspasóz qyzmeti.

Kezdesý barysynda taraptar Qazaqstan men Sıngapýr arasyndaǵy qazirgi jaǵdaıdy jáne saıası, saýda-ekonomıkalyq salalar boıynsha perspektıvalyq jobalardy, sonymen qatar, tsıfrlandyrýǵa qatysty birlesken is-qımyl máselelerin talqylady.

Eki el arasynda dostyq qarym-qatynas ornaǵanyn aıtqan Qasym-Jomart Toqaev qazan aıynda Erevanda ótken JEEO sammıtinde Sıngapýr Premer-mınıstri Lı Sıan Lýnmen keleli kelissóz jasaǵanyn jetkizdi. Sondaı-aq Memleket basshysy Sıngapýr Prezıdenti Halıma ıAkobke óziniń sálemin jetkizýdi ótindi.

– Men Sıngapýr Prezıdentin burynnan tanımyn. Ekeýmiz de óz elderimizdiń Parlamentterinde spıker qyzmetin atqardyq. Men onyń Memleket basshysy bolǵanyna óte qýanyshtymyn,– dedi Qasym-Jomart Toqaev.




Óz kezeginde Teo Chı Hın Qasym-Jomart Toqaevqa Sıngapýr Prezıdenti men Premer-mınıstriniń aqjarma tilegin jetkizdi. Sonymen qatar eki el arasyndaǵy baılanystardy odan ári nyǵaıta berýge nıetti ekenin atap aıtty.




Joǵary qaraı