Aýa raıy
Astana 13 °S
Almaty 23 °S
valıýta baǵamy
USD 386.70
EUR 427.15
RUB 6.06
CNY 54.57

Qasym-Jomart Toqaevtyń qatysýymen Tamyz konferentsııasy bastaldy

2019 jyldyń 16 tamyz 2019 10:48

NUR-SULTAN. QazAqparat - Elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen Tamyz konferentsııasy bastaldy, dep habarlaıdy QazAqparat tilshisi.

Qazaqstan Prezıdentiniń qatysýmen ótip jatqan sharaǵa elimizdiń túkpir-túkpirinen 2 myńnan astam muǵalim kelgen. Pedagogtar konferentsııa barysynda bilimdi jańǵyrtý boıynsha ádistemelik usynystar ázirlep, bilim berý júıesiniń mazmunyn jańǵyrtý aıasynda ony damytýdyń negizgi baǵyttaryn aıqyndaıtyn bolady. Sonymen qatar muǵalimder bilim sapasyn arttyrý jáne tálim-tárbıe basymdyqtary negizinde bilim berý júıesin jańǵyrtýdyń problemaly máseleleri men keleshegin talqylaıdy.

Jıyn aıasynda otandyq bilimdi damytýdaǵy eren eńbegi men belsendi qoǵamdyq qyzmeti úshin birqatar pedagog «Qurmet» ordenimen, «Eren eńbegi úshin», «Shapaǵat» medaldarymen, QR Prezıdentiniń alǵys hatymen, «Y.Altynsarın» jáne «Bilim berý isiniń qurmetti qyzmetkeri» tósbelgisimen marapattalady.

Aıta keterligi, 2019-2020 oqý jylynda 4, 9 jáne 10 synyp oqýshylary jańartylǵan mektep baǵdarlamasyna kóshedi. Sonymen qatar bıyl 10 synyp oqýshylary «Kásipkerlik pen bıznes negizderi» pánin oqı bastaıdy. Bilim jáne ǵylym mınıstrliginiń málimetinshe, oqýshylardyń bul pándi oqýy olarǵa bolashaqta mamandyq tańdaýyna septigin tıgizedi.

Joǵary qaraı