Aýa raıy
Astana 30 °S
Almaty 34 °S
valıýta baǵamy
USD 384.87
EUR 432.52
RUB 6.11
CNY 55.95

Qazaqstan arqyly ınternet-sálemdeme tranzıtin 6 esege ulǵaıtýǵa bolady - Rýslan Dálenov

2019 jyldyń 19 maýsym 2019 12:13 1191

NUR-SULTAN. QazAqparat - Taıaý jyldary Qazaqstan arqyly ınternet-sálemdeme tranzıtin 6 esege ulǵaıtýǵa bolady. Bul týraly búgin halyqpen eseptik kezdesý ótkizip jatqan Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Taıaý 5 jyldyń ishinde elektrondy saýda aınalymy 1 trln dollarǵa artatyndyǵy kútilip otyr. Biz Eýropa men Qytaı arasynda, tutynýshy men sálemdemelerdi jóneltýshilerdiń arasynda óte tıimdi ornalasqanbyz. Sondyqtan kólik legin Qazaqstan arqyly jóneltýdiń keleshegi úlken. Bul úshin barlyq ınfraqurylym bar. Mundaı sálemdemelerdi rásimdeý úshin barlyq kedendik túzetýler engizilgen. Biz taıaý jyldary Qazaqstan arqyly ınternet-sálemdeme tranzıtin 6 esege ulǵaıtýǵa bolady dep esepteımiz», - dedi mınıstr.

Onyń atap ótýinshe, onlaın-saýdany yntalandyrý úshin Internette elektrondy ádis arqyly saýda jasaıtyndarǵa tabys salyǵy men korporatıvtik tabys salyǵy birneshe jylǵa alynyp tastalǵan. Eksportqa arnalǵan taýarlardy deklaratsııalaý da jeńildetilgen.

«Endigi ýaqytta Internet arqyly satyp alynatyn poshta qujattary nemese sálemdemeler kóterme rásimdelýi múmkin. Endi poshta qujattary deklaratsııa retinde tanylady.  Elektrondy saýda óte qarqyndy damyp keledi jáne barynsha tıimdi sektor sanalady», - dedi Rýslan Dálenov.


null 

Mınıstrliktiń dereginshe, elimizde tutynýshylardyń quqyǵyn qorǵaý ınstıtýty kúsheıtilip jatyr. Elektrondyq saýdadaǵy satyp alýshy kádimgi saýdadaǵydaı qorǵalǵan. Elektrondyq saýda sharttary jaqsartylýda. Ótken jyly onyń bólshek saýdadaǵy úlesi 1,9-dan 2,9 paıyzǵa nemese 92 mlrd teńgege ulǵaıdy.

 

 

 

Joǵary qaraı