Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstan aýǵan stýdentterin oqytý baǵdarlamasyn jalǵastyrady

2019 jyldyń 9 qazan 2019 12:51

NUR-SULTAN. QazAqparat – Qazaqstan aýǵan stýdentterin Joǵary oqý oryndarynda oqytý baǵdarlamasyn jalǵastyrady, dep habarlaıdy QazAqparat tilshisi.

«Ekijaqty jáne kópjaqty kelisimder aıasynda Qazaqstan Aýǵanstanǵa tehnıkalyq jáne gýmanıtarlyq kómek kórsetip keledi. Búginge deıin biz Aýńǵanstanǵa 80 mıllıon dollardan astam somada kómek kórsettik. Sońǵy jyldary ondaǵy medıtsınalyq jáne bilim berý ortalyqtarynyń qurylysyna, Aýǵanstannyń ártúrli provıntsııalarynda joldar men kópirlerdi qalpyna keltirýge 3,5 mıllıon dollar baǵyttaldy. Sonymen qatar, úsh jyl buryn Qazaqstan Aýǵanstannyń ulttyq qaýipsizdik kúshterine kómek retinde 2 mıllıon dollar bóldi», - dep atap ótti QR Syrtqy ister mınıstri Muhtar Tileýberdi elordada ótip jatqan Eýropadaǵy qaýipsizdik jáne yntymaqtastyq uıymynyń (EQYU) Aýǵanstan boıynsha jıynynda.

Syrtqy ister mınıstriniń aıtýynsha, qazaqstandyq jetekshi Joǵary oqý oryndarynda aýǵan stýdentteri oqyp jatyr. Bul maqsatta QR Tuńǵysh Prezıdenti – Elbasy Nursultan Nazarbaevtyń bastamasymen memlekettik baǵdarlama aıasynda 50 mln dollar bólingen.

«Bul bastama halyqaralyq qaýymdastyq tarapynan joǵary baǵaǵa ıe boldy. Búgingi tańda bul bastamany tabysty túrde damytyp kelemiz. Osy aptada EO, Qazaqstan jáne Ózbekstan arasyndaǵy úshjaqty yntymaqtastyq baǵdarlamasy aıasynda Qazaqstannyń jetekshi ýnıversıtetterinde oqý úshin aýǵan stýdent boıjetkenderiniń birinshi toby Almatyǵa keldi. Aýǵanstan jastardyń bilimge bet burmasa, onda turaqty ortalyq bola almaıdy dep sanaımyz », - dedi mınıstr.

Eske sala ketsek, Nur-Sultanda ótip jatqan Eýropadaǵy qaýipsizdik jáne yntymaqtastyq uıymynyń (EQYU) Aýǵanstan boıynsha dóńgelek ústelinde Muhtar Tileýberdi Aýǵanstannyń ekonomıkasyn kórshi eldermen, sonymen birge Ortalyq Azııa memleketterimen ıntegratsııalaýdyń mańyzy zor ekenin atap ótken bolatyn.

Joǵary qaraı