Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Bokstan álem chempıonaty: Qazaqstan quramasynan bir boksshy shyǵyp qaldy

2019 jyldyń 17 qyrkúıek 2019 19:11

NUR-SULTAN. QazAqparat – Búgin Reseıdiń Ekaterınbýrg qalasynda ótip jatqan bokstan Álem chempıonatynda qazaqstandyq bir boksshy jarys jolynan shyǵyp qaldy, dep habarlaıdy QazAqparat.

Búgin bokstan álem chempıonatynyń kúndizgi sessııasynda úsh boksshymyz judyryqtasqan edi. Solardyń arasynan 63 keli salmaqta el namysyn qorǵap jatqan Zákir Safıýllın 1/8 aınalymda 2017 jylǵy álem chempıony jáne Panamerıka oıyndarynyń eki dúrkin jeńimpazy, kýbalyq Endı Krýz Gomesten utylyp qaldy. Tóreshiler 5:0 esebimen jeńisti kýbalyq boksshyǵa berdi.

áıtse de, osy kúni 52 kelige deıingi salmaqta Sáken Bıbosynov 1/8 fınalda2016 jylǵy Olımpıadanyń kúmis jáne 2017 jylǵy álem chempıonatynyń qola júldegeri kolýmbııalyq ıÝberhen Martınesten aılasyn asyrdy. Sonymen qatar, 91 keli salmaqta synǵa túsip jatqan taǵy bir qazaqstandyq boksshy Vasılıı Levıt te shırek fınalǵa súrinbeı ótti. Ol ýkraınalyq qarsylasy Marat Grıgorıandy aıqyn basymdyqpen utty.

Endi, keshki sessııada, Astana ýaqytymen 20:00-de qazaqstandyq tórt boksshy sharshy alańǵa shyǵady.

Olar:

69 keli - Abylaıhan Júsipov - Nık Syra (Germanııa)

81 keli - Bekzat Nurdáýletov - Keno Machado (Brazılııa)

+91 keli - Qamshybek Qońqabaev - Aıýb Kadfa (Ispanııa)

57 keli - Qaırat Eralıev - Chatchaı Býtdı (Taıland).

Aıta keteıik, bokstan álem chempıonatynda ázirge Zákir Safıýllınnan basqasy jeńilissiz kele jatyr.

Avtor Qanat Mámetqazyuly
Basty sózder: Boks, Sport,
Joǵary qaraı