Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qazaqstan men Reseı shekarasyndaǵy kólik keptelisine ne sebep

2019 jyldyń 17 qyrkúıek 2019 13:51

NUR-SULTAN. QazAqparat - QR Ulttyq qaýipsizdik komıteti tóraǵasynyń orynbasary - Shekara qyzmetiniń dırektory Darhan Dilmanov Qazaqstan men Reseı shekarasynda kólik keptelisi neden týyndaıtynyn túsindirdi, dep habarlaıdy QazAqparat tilshisi.

«Tıisti taldaý sharalaryn júrgizdik. Bizde ótetin kólik sany eleýli túrde artqan 4 negizgi ótkizý beketi («Tasqala», «Syrym», «Jaısań», «Qaıraq» beketteri) bar. Qazaqstan arqyly Reseıge baǵyttalǵan júk kólikteriniń negizgi aǵyny osy tórt beketke salmaq túsirip tur. Atap aıtqanda, jolaýshylar men kólik aǵynyna biz daıyn bolmadyq, sebebi Ózbekstan jolaýshylar jáne júk tasymalyn eselep arttyrdy. Eger de taýar aınalym mıllıard dollar bolsa, al qazir úsh jarym mıllıardqa jetti. Sáıkesinshe, avtokólik sany da úsh esege kóbeıdi. Bes jyl burynǵy ınfraqurylym talapqa saı bolsa, búginde endi ınfraqurylymdy kúsheıtý qajettigi bar», - dedi Dilmanov Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda.

Onyń sózine qaraǵanda, QR Indýstrııa jáne ınfraqurylymdyq damý mınıstrlimen, sondaı-aq ózge de memorgandarmen birlese tıisti Jol kartasy ázirlendi. Onyń aıasynda jaqyn arada jańǵyrtý sharalary júrgiziletin ótkizý beketteri aıqyndaldy. Osy baǵytta qarjylandyrý bólinip, aldaǵy 2 jylda atalǵan máseleler sheshimin tabady dep kútilýde.

Budan buryn habarlanǵandaı, Senatta «2006 jylǵy 3 qazandaǵy QR Úkimeti men RF Úkimeti arasyndaǵy Qazaqstannyń jáne Reseıdiń shekara mańyndaǵy aýmaqtary turǵyndarynyń Qazaqstan-Reseı memlekettik shekarasyn kesip ótý tártibi týraly kelisimge ózgerister engizý týraly hattamany ratıfıkatsııalaý týraly» zań jobasyn talqylandy.



Joǵary qaraı