Aýa raıy
Astana -3 °S
Almaty 7 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstan men Reseıdiń Syrtqy ister mınıstrleri ne jaıynda sóılesti

2019 jyldyń 9 qazan 2019 13:50

NUR-SULTAN. QazAqparat – QR Syrtqy ister mınıstri Muhtar Tileýberdi Reseı Syrtqy ister mınıstri Sergeı Lavrovpen búgin elordada ótken kezdesýde qandaı máseleler kóterilgenin aıtty, dep habarlaıdy QazAqparat tilshisi.

«Sergeı Vıktorulymen Qazaqstan-Reseı yntymaqtastyǵynyń qazirgi jaı-kúıi men keleshegin qosa alǵanda saıası, saýda-ekonomıkalyq jáne mádenı-gýmanıtarlyq salalardaǵy máselelerdiń keń aýqymyn talqylaı aldyq. Halyqaralyq kúntártiptegi máselelerdiń keń aýqymdy spektri boıynsha pikir almastyq. Sonymen qatar, Ortalyq Azııadaǵy, Ýkraına men Taıaý Shyǵystaǵy turaqtylyq pen qaýipsizdikti qamtamasyz etýdiń túrli aspektileri boıynsha pikir almasyp, elderimizdiń halyqaralyq uıymdar aıasyndaǵy ózara is-qımyly máselelerin qozǵadyq», - dedi ol kelissózderden keıingi BAQ óilderine arnalǵan baspasóz máslıhatynda.

Onyń atap ótýinshe, asa joǵary jáne joǵary deńgeıdegi halyqaralyq sharalardyń aldaǵy kestesine de basa nazar aýdaryldy. 2019 jyldyń 7 qarashasynda Omby qalasynda ótetin Qazaqstan men Reseıdiń Óńiraralyq yntymaqtastyǵynyń XVI forýmyna daıyndyq máselesi tyńǵylyqty qarastyrylǵan.

«Reseımen yqtymaqtastyq Qazaqstannyń syrtqy saıasatynyń negizgi basymdyqtarynyń biri boldy jáne solaı bolyp qala beretindigin de atap ótken oryndy. Osy jyldar boıyna Qazaqstan tatý seriktestik qarym-qatynastan taımaıtyndyǵyn kórsetti. Kelissózder aıasynda ekijaqty qarym-qatynas máseleleri ǵana emes, sonymen birge kópjaqty formattaǵy Qazaqstan-Reseı yntymaqtastyǵy da talqylanǵanyn atap ótkim keledi. Atap aıtqanda, reseılik áriptesimmen Eýrazııalyq ekonomıkalyq odaqtyń áleýetin tolyqqandaı paıdalaný múmkindigin atap óttik», - dedi M.Tileýberdi.

Sonymen qatar mınıstrdiń aıtýynsha, TMD, UQShU aıasyndaǵy ózara is-qımyl máseleleri kóterilip, BUU, EQYU, ShYU, AÓІSShK syndy halyqaralyq uıymdar aıasyndaǵy jaıttarǵa baılanysty ýaǵdalastyqqa qol jetkizilgen.

Óz kezeginde Sergeı Lavrov qazaqstandyq áriptesimen 2019 jyldyń 7 qarashasynda Omby qalasynda ótetin Qazaqstan-Reseı Óńiraralyq yntymaqtastyǵynyń XVI forýmy aldynda eki eldiń jas kóshbasshylarynyń birinshi forýmyn ótkizý máselesin pysyqtaǵanyn aıtty.

«Oǵan ár taraptyń da Syrtqy ister mınıstrlikteriniń jas qyzmetkerleri qatysatyn bolady. Jas dıplomattar arasynda osyndaı deńgeıdegi ózara is-qımyldyń keleshegi zor dep senemiz», - dedi S.Lavrov.

Joǵary qaraı