Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qazaqstan jyl basynan beri 1 320 otandyq kólikti eksportqa shyǵardy

2019 jyldyń 18 qyrkúıek 2019 10:32

NUR-SULTAN. QazAqparat – Qazaqstanda jyl basynan beri 28 611 kólik qurastyrylyp, onyń 1 320-y eksportqa shyǵaryldy, dep habarlaıdy QazAqparat tilshisi.

Otandyq óndiristegi avtokólikterge degen suranys daǵdarysqa deıingi kórsetkishterge jetip otyr. Osy jyldyń qańtary men tamyz aılarynyń aralyǵynda avtoóndirýshiler 28 611 dana tehnıka (+46,9%) shyǵarǵan.

«Mashına jasaý salasy eldiń ındýstrııalyq-ınnovatsııalyq damýynyń basym baǵyty bolyp qalýda. Óndiris kólemi bir jarym ese ósip, ósim qarqyny jyl sońyna qaraı keminde 40 myń avtokólik shyǵarýǵa múmkindik bergeli otyr. Sonymen qatar, bıyl bizdiń boljamymyz boıynsha, elimizdiń avtomobıl naryǵy 78 myń jeńil jáne kommertsııalyq tehnıkaǵa deıin ósedi», – deıdi Qazaqstan avtobıznes qaýymdastyǵynyń vıtse-prezıdenti Anar Maqasheva.

Qazaqstan avtobıznes qaýymdastyǵy usynǵan málimetke súıensek, Qazaqstanda jyl basynan beri 25 586 jeńil avtokólik (+40,5%), 1 658 aýyr júk kóligi (+142,4%), 780 avtobýs, 540 tirkeme men jartylaı tirkeme (+90,8%), 47 dana ózge de mamandandyrylǵan tehnıka óndirilgen.

8 aıdyń qorytyndysy boıynsha, Qostanaıdaǵy «SaryarqaAvtoÓndiris» kásiporyny kósh bastap, 13 092 dana kórsetkishpen jeńil, júk avtokólik pen avtobýs shyǵarýdy eki ese ulǵaıtty. Óskemendegi «Azııa Avto» kásipornynda 13 107 avto (+14%) qurastyryldy. Semeıdegi «Semaz» kompanııasy 774 júk kóligi men avtobýsty, Kókshetaýdaǵy «KAMAZ Injınırıng» 494 júk kóligin, «Hyundai Trans Auto» 180 birlik kommertsııalyq tehnıkany, «Daewoo Bus Kazakhstan» 179 avtobýs shyǵarǵan.


Avtor Aıan Bekenuly
Basty sózder: Qoǵam, Kólik,
Joǵary qaraı