Aýa raıy
Astana 10 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Qazaqstan jyl basynan beri eksportqa 1 219 avtomobıl jóneltti

2019 jyldyń 20 tamyz 2019 10:55

NUR-SULTAN. QazAqparat - Qazaqstan jyl basynan beri eksportqa 1 219 avtomobıl jóneltti. Bul jaıynda Qazaqstan avtobıznes qaýymdastyǵynan málim etti, dep habarlaıdy QazAqparat tilshisi.

Qaýymdastyq aqparatyna sáıkes, otandyq mashına jasaýshylary avtomobıl shyǵarýyn eseleı túsýde. 2019 jyldyń shilde aıynda barlyq úlgidegi 4 064 kólik quraly shyǵarylyp, avtoónerkásiptiń naryqtyq úlesi sol aıda 61 paıyzǵa jetken. Bul jyl ishindegi rekordtyq kórsetkish sanalady. Jeńil avtomobıl jasaýmen qatar Qostanaıda Ankai men Yutong avtobýstaryn qurastyrý da qarqyn alyp keledi. Buǵan qosa, elimizdegi jalǵyz avtojasaýshy – eksporttaýshy «SaryarqaAvtoÓnerkásip» kásiporny shilde aıynda Reseı naryǵyna 694 JAC krossoverin jóneltti. Jalpy jyl basynan beri eksportqa 6 512 mln teńgeniń dál osy markadaǵy 1 219 kóligi jiberilgen bolatyn.

Qazaqstan avtobıznes qaýymdastyǵynyń derekterine sáıkes, 2019 jyldyń 7 aıynda elimizde 24 687 kólik quraly jasaldy. Onyń ishinde 22 280 jeńil kólik, 1 196 júk kóligi, 754 avtobýs, 422 tirkeme men jartylaı tirkeme jáne 35 basqa da mamandandyrylǵan tehnıka bar.

Shilde aıynda otandyq mashına jasaýshylar shyǵarǵan ónimniń quny 26 492 mln teńgeni qurady. Bul bir aı burynǵy nátıjeden 12,1 paıyzǵa tómen. Degenmen, 7 aıdyń jıyntyq nátıjesi ótken jyldyń dál osyndaı kezeńindegi kórsetkishten 65,1 paıyzǵa kóp.

Avtor Marlan Jıembaı
Basty sózder: Kólik, Ekonomıka, Ónerkásip,
Joǵary qaraı