Aýa raıy
Astana -9 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstanda 17 qyrkúıekte ótetin mańyzdy sharalarǵa sholý

2019 jyldyń 16 qyrkúıek 2019 19:10

NUR-SULTAN. QazAqparat – «QazAqparat» halyqaralyq aqparat agenttigi Qazaqstan qalalarynda 17 qyrkúıek kúni ótetin mańyzdy sharalar sholýyn usynady.

NUR-SULTAN

Saǵat 09.00-de Úkimet úıinde Úkimet otyrysy ótedi. Kún tártibinde – Dúnıejúzilik banktiń «Doing Business» reıtıngindegi jáne basqa da reıtıngterdegi Qazaqstannyń pozıtsııalaryn jaqsartý, Jambyl oblysynyń turǵyndarynyń tabysyn arttyrý boıynsha pılottyq joba máseleleri.

Saǵat 09.00-de «The Ritz-Carlton Astana» otelinde «Básekege qabilettilikti ózgertý: Ulttar-Energııa-Indýstrııa-Qalalar-Daryndar» taqyrybyna Jahandyq Innovatsııalyq sammıti ótedi.

Saǵat 10.00-de L.Gýmılev atyndaǵy EUÝ-da Qazaqstan-Iran ekonomıkalyq zertteý ortalyǵy ashylady.

Saǵat 10.30-da Rixos President Astana qonaq úıinde Qazaqstandaǵy alǵash ret «Innovatsııanyń qozǵaltqyshtary qyzmetindegi koýchıng jáne menterlik» taqyrybynda halyqaralyq konferentsııa ótedi. Іs-sharanyń basty uıymdastyrýshysy – ICU Koýchtary odaǵy.

Saǵat 10.30-da «Astana» Medıtsınalyq ýnıversıtetinde «Jeńil fızıologııalyq tolyqqandy aýyz sýdyń ǵaryshker aǵzasynyń fýnktsıonaldy rezerv deńgeıi jáne ómir sapasyna áseri» atty konferentsııa bastalady.

Saǵat 11.00-de Májiliste «Astana» halyqaralyq qarjy ortalyǵy týraly» QR Konstıtýtsııalyq zańyna engiziletin túzetýler tanystyrylady.

Saǵat 11.00-de Senatta Halyqaralyq qatynastar, qorǵanys jáne qaýipsizdik komıtetiniń «2006 jylǵy 3 qazandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasynyń jáne Reseı Federatsııasynyń shekara mańyndaǵy aýmaqtary turǵyndarynyń memlekettik shekarany kesip ótý tártibi týraly kelisimge ózgerister engizý týraly hattamany ratıfıkatsııalaý týraly» zań jobasy boıynsha keńeıtilgen otyrysy ótedi.

Saǵat 14.45-te Qazmedıa ortalyǵynda 19 qazanda Sochıde ótetin FIGHT NIGHTS GLOBAL 95 týrnırine baratyn – Jalǵas Jumaǵulov pen Álı Bagaýtdınovtyń qatysýymen baspasóz konferentsııa ótedi.

Saǵat 16.00-de Májiliste Azamattyq protsestik kodeksine sottar jumysynyń zamanaýı formattaryn engizý, artyq sot rásimderi men shyǵyndaryn qysqartý máseleleri boıynsha túzetýlerdiń tanystyrylymy ótedi.

Saǵat 19.00-de «Astana» kontsert zalynda áıgili Birjan saldyń 185 jyldyǵyna arnalǵan «Án júırigi – Birjan sal» atty án keshi ótedi.

ALMATY

Saǵt 11.00-de «Ski Park Pioneer» otbasylyq saıajaıynda «Almaty marafony - 2019» qaıyrymdylyq maqsatyn iske asyrý aıasynda salynǵan kópfýnktsıonaldy sport alańynyń tusaýkeseri ótedi.

Saǵat 15.00-de Almaty qalasy ákimdiginiń baspasóz ortalyǵynda «Álemdi ashýǵa — álemge ashýǵa. Kórkem aýdarmanyń máseleleri jáne jazýshylyq baılanystar» atty brıfıng ótedi.

Saǵat 16.00-de Almaty Art Center-de belgili qazaqstandyq sýretshi ári pedagog Serikbaı Áljanovtyń jeke kórmesi ashylady.

Saǵat 17.00-de Á.Qasteev atyndaǵy Memlekettik óner murajaıynyń Ortalyq kórme zalynda Koreıa sýretshileriniń Halyqaralyq qaýymdastyǵynyń uıymdastyrýymen «2019 Koreı kórkemsýret kórmesiniń» ashylýy ótedi. Ekspozıtsııada qazirgi koreı sýretshileriniń 90 keskindeme jáne akvarel týyndylary qoıylady.


Avtor Aıan Bekenuly
Basty sózder: BAQ, Aımaq,
Joǵary qaraı