Aýa raıy
Astana 15 °S
Almaty 20 °S
valıýta baǵamy
USD 386.70
EUR 427.15
RUB 6.06
CNY 54.57

Qazaqstanda alǵash ret óńirler boıynsha aýqymdy halyqaralyq blog-týr ótedi

2019 jyldyń 15 tamyz 2019 11:41

NUR-SULTAN. QazAqparat - 16-21 tamyz aralyǵynda «Qazaqstandy tany» jobasy aıasynda trevel-blogerler retinde keńinen tanymal jáne myńdaǵan jazylýshylar aýdıtorııalary bar 35 sheteldik blogerler úshin Qazaqstan boıynsha halyqaralyq blog-týr ótedi, dep habarlaıdy QazAqparat.

Jobaǵa qatysý úshin Qazaqstanǵa Ulybrıtanııa, Aýstralııa, AQSh, Italııa, Reseı, Taıland, Úndistan, Grekııa, Kanada, Ońtústik Koreıa, Túrkııa, Fılıppın jáne Kanadadan vıdeoblogerler keledi. Olar Qazaqstannyń blogerlerimen birge tarıhı kórikti jerlermen jáne tabıǵı sulýlyqtarmen tanysý úshin elimizdiń óńirleri boıynsha 5 kúndik týrnege attanady.

Blog-týr Qazaqstan óńirleri boıynsha 5 baǵyt boıynsha uıymdastyrylady.

1-baǵyt uzyndyǵy 440 km Shyǵys Qazaqstan oblysy boıynsha ótedi. Blogerler: Rahman qaınarlary, Radostnyı asýy, Brel qorǵandary, Qatonqaraǵaı aýdany, «Kosy Veronıkı» sarqyramasy, Zyrıan jáne Osınovka asýy.

2- baǵyt Ońtústik Qazaqstan oblysynda sáýlet eskertkishteri boıynsha ótedi: Túrkistandaǵy Qoja Ahmet ıAsaýı kesenesi, Arystan bab kesenesi, Otyrar men Saýran ejelgi qalashyǵy, sondaı-aq Aqsý Jabaǵyly qoryǵy.

3- baǵyt Ortalyq Qazaqstan boıynsha: «Býrabaı» ulttyq tabıǵı parki, «Botaı-Býrabaı» ashyq aspan astyndaǵy murajaıy, «ALJIR» murajaıy, Nur-sultan qalasyna saıahat jasaıdy.

4- baǵyt Batys Qazaqstan oblysy boıynsha: Marshrýt aıasynda Aqtaý, Bozjyra shatqaldary men alqaby, Kendirli, Toqmaq mysy, Qaraqııa jáne Túıeske barady.

5- baǵyt Almaty jáne Almaty oblysy boıynsha: Blogerler Almaty, BAO, Sharyn shatqaly, Qaıyńdy kóli, Tamǵaly tas jáne Altyn emelge barady.

Blog-týrdyń qorytyndysy boıynsha blogerler Qazaqstan boıynsha saıahat týraly beıne sholý jasap, YouTube-taǵy óz arnalaryna ornalastyrady.

Týr aıaqtalǵannan keıin blogerler 24-25 tamyz aralyǵynda Nur-Sultan qalasynda ótetin «Qazaqstandy tany» atty halyqaralyq blogerler forýmyna qatysady. Forým barysynda sýper-aqparattyq jáne paıdaly master-klastar uıymdastyrylady, onda olar blogıngti damytýǵa arnalǵan barlyq fıshkalar týraly biledi. Atap aıtqanda: «Trevel blogıng», «YouTube-bloger profılin damytý /LOM», «Bıznes-blogıng», «Instagram-bloger profılin damytý / LOM», «Qazaq Instagram» jáne basqalar. Sonymen qatar, jattyqtyrýshylar Instagram jáne Youtube blogerlerdiń profılderin qalaı damytý jáne sapaly mýltımedııalyq kontent qurý týraly pikir bólisedi.

Іs-sharany uıymdastyrýshylar «Azamattyq bastamalardy qoldaý ortalyǵy» KEAQ jáne QR Aqparat jáne qoǵamdyq damý mınıstrliginiń qoldaýymen «A kind heart» QB.

Jobanyń strategııalyq seriktesteri - elimizdiń eń iri ınternet BAQ – «Internet Portal NUR» JShS, Qazaqstandaǵy Youtube-tiń resmı seriktesi - «Power Media» JShS jáne týrızm salasyndaǵy Qazaqstannyń brend-menedjeri bolyp tabylatyn «Kazakh Tourizm» ulttyq kompanııasy.

Joba Qazaqstandaǵy jastar jyly aıasynda júzege asyrylýda jáne daryndy jastarǵa kómektesý, eldegi týrızm men beınebloggıngti damytýǵa baǵyttalǵan.

Basty sózder: Týrızm, BAQ,
Joǵary qaraı