Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qazaqstanda apta ishinde bolǵan kadrlyq taǵaıyndaýlar

2019 jyldyń 8 qyrkúıek 2019 12:35

NUR-SULTAN. QazAqparat – «QazAqparat» halyqaralyq agenttigi jazdyń sońǵy aptasyndaǵy basty kadrlyq taǵaıyndaýlarǵa sholý usynady.

Apta basynda QR Úkimetiniń qaýlysymen Sholpan Tańatqyzy Karınova QR Bilim jáne ǵylym vıtse-mınıstri laýazymyna taǵaıyndaldy.

Sholpan Karınova 1972 jyly dúnıege kelgen. Eńbek jolyn 1994 jyly aýyl mektebiniń muǵalimi retinde bastap, kolledj oqytýshysy, mektep dırektory qyzmetterin atqarǵan. 2005–2008 jyldary Soltústik Qazaqstan oblysy Taıynsha aýdanynyń bilim bóliminiń basshysy. 2009–2012 jyldary Soltústik Qazaqstan oblysynyń Bilim basqarmasy basshysynyń orynbasary. 2012 jylǵy mamyrda Petropavl qalasy ákiminiń áleýmettik máseleler jónindegi orynbasary bolyp taǵaıyndaldy. 2013 jylǵy shilde men 2017 jyl aralyǵynda Soltústik Qazaqstan oblysynyń Bilim basqarmasynyń basshysy. 2017–2018 jyldary QR Bilim jáne ǵylym mınıstrliginiń Mektepke deıingi jáne orta bilim departamentiniń dırektory bolyp qyzmet atqarǵan. 2018 jylǵy qazannan bastap «Nazarbaev zııatkerlik mektepteri» DBBU Pedagogıkalyq sheberlik ortalyǵy dırektorynyń orynbasary qyzmetin atqardy.

Sondaı-aq, QR Prezıdenti Qasym-Jomart Toqaevtyń Ókimimen Botagóz Shaımardanqyzy Jaqselekova Qazaqstan Respýblıkasy Densaýlyq saqtaý mınıstrliginiń jaýapty hatshysy qyzmetine taǵaıyndaldy. Memleket basshysynyń Ókimimen uǵan deıni osy laýazmyda bolǵan Bolat Turǵanuly Tókejanov basqa jumysqa aýysýyna baılanysty Qazaqstan Respýblıkasy Densaýlyq saqtaý mınıstrliginiń jaýapty hatshysy qyzmetinen bosatyldy.

Memleket basshysynyń Jarlyǵymen Prezıdenttiń Parlamenttegi ókildiginiń basshysy bolyp Beıbit Óksikbaıuly Isabaev, al Úkimet basshysynyń ókimimen Úkimettiń Parlamenttegi ókili bolyp Ermek Ámirhanuly Amanshaev taǵaıyndaldy.

Beıbit Óksikbaıuly Isabaev 1962 jyly 4 jeltoqsanda Almaty oblysy Balqash aýdany Baqanas aýylynda dúnıege kelgen. 1985-1987 jyldary - Qazaq SSR Televızıııa jáne radıohabary memlekettik komıtetinde redaktor. 1987-1991 jyldary - «Lenınshil jas» respýblıkalyq gazetinde tilshi, bólim meńgerýshisi. 1991-1994 jyldary - «Órken»- «Gorızont» gazeti redaktorynyń orynbasary, redaktory. 1994 jylǵy aqpan-sáýir aılarynda - Qazaq memlekettik televızııasynyń bas dırektory. 1994 jylǵy mamyr-shilde aılarynda - Almaty qalasy ákimshiliginde ákimniń orynbasary. 1994-1995 jyldary - Almaty qalasy ákimdiginiń ishki saıasat komıtetiniń tóraǵasy. 1997-1999 jyldary - QR SІM Dıplomatııalyq akademııasynyń tyńdaýshysy. 2000 jyly - QR Premer-Mınıstri Keńsesinde úkimettik aqparat bóliminiń meńgerýshisi. 2002-2008 jyldary Pákistan Islam Respýblıkasynda, Túrkııada, Albanııa Respýblıkasynda Tótenshe jáne Ókiletti elshisi mindetterin atqardy. 2008 jylǵy aqpan-tamyz aılarynda - QR mádenıet jáne aqparat vıtse-mınıstri. 2008-2009 jyldary - QR Prezıdentiniń baspasóz hatshysy. 2009 jylǵy shildeden QR-nyń Qyrǵyz Respýblıkasyndaǵy Tótenshe jáne Ókiletti elshisi.

Al, Ermek Amanshaev 1963 jyly 12 naýryzda Ózbekstannyń Syrdarııa oblysynda týǵan. 1985-1995 jyldary jyldary - Qazaq SSR Ortalyq memlekettik murajaıynda, Qazaq Keńes entsıklopedııasynda, «Jalyn» jýrnalynda, Ál-Farabı atyndaǵy Qazaq memlekettik ýnıversıtetinde jumys istedi. 1995-2000 jyldary - Qazaqstan Respýblıkasy Mınıstrler Kabıneti Іster basqarmasynda túrli qyzmetterdi atqardy. 2000-2002 jyldary - Astana qalalyq mádenıet departamentiniń bastyǵy. 2002-2003 jyldary - Qazaqstan Respýblıkasy Mádenıet, aqparat jáne qoǵamdyq kelisim mınıstrligi Mádenıet komıtetiniń tóraǵasy. 2003-2006 jyldary Qazaqstan Respýblıkasy Mádenıet, aqparat jáne qoǵamdyq kelisim vıtse-mınıstri, Mádenıet vıtse-mınıstri, Mádenıet, aqparat jáne sport vıtse-mınıstri, Qazaqstan Respýblıkasy Prezıdentiniń baspasóz qyzmeti jetekshisiniń orynbasary bolǵan. 2006-2008 jyldary - Almaty qalasy ákiminiń orynbasary. 2008-2014 jyldary Sh.Aımanov atyndaǵy «Qazaqfılm» kınostýdııasy» AQ prezıdenti.

Qaırat Abdrasılov «Almaty Sý» memlekettik kommýnaldyq kásiporynnyń bas dırektory bolyp taǵaıyndaldy.

Buǵan deıin, Qaırat Abdrasılov «MAEK- -Qazatomprom» JShS basqardy. Buryndary, ol Astana Energetıka basqarmasynyń bastyǵy qyzmetin atqarǵan. Ár jyldary ol ekologııa jáne qorshaǵan ortany qorǵaý, tabıǵı resýrstar jáne tabıǵatty paıdalanýdy basqarý júıelerinde basshy boldy (Almaty, Astana qalalary men Atyraý jáne Aqmola oblystarynda).

Gúlzat Kóbenova QR Bilim jáne ǵylym mınıstrliginiń Bilim jáne ǵylym salasyndaǵy baqylaý komıtetiniń tóraıymy bolyp taǵaıyndaldy.

Gúlzat Kóbenova 1968 jyly Aqtóbe oblysynda dúnıege kelgen. Eńbek jolyn 1998 jyly Q. Jubanov atyndaǵy Aqtóbe memlekettik ýnıversıtetiniń Qazaqstan tarıhy kafedrasynyń oqytýshysy bolyp bastaǵan. 2009 jylǵy qazan aıynan bastap memlekettik qyzmette jumys isteıdi. QR mádenıet jáne aqparat, bilim jáne ǵylym mınıstrlikterinde túrli laýazymdardy atqarǵan. 2017 jylǵy shildede QR BǴM Joǵary jáne joǵary oqý ornynan keıingi bilim departamentiniń dırektory bolyp taǵaıyndalǵan. 2018 jylǵy sáýir men 2019 jylǵy qańtar aralyǵynda QR Tuńǵysh Prezıdenti – Elbasy kitaphanasy dırektorynyń orynbasary bolyp qyzmet etti. 2019 jylǵy qańtardan bastap qazirgi tańǵa deıin Qazaqstan Respýblıkasynyń Prezıdenti Keńsesiniń sektor meńgerýshisi qyzmetin atqarǵan.

Jýrnalıst Nurtas Soltanuly Shyǵys Qazaqstandaǵy «Altai» telearnasynyń dırektory bolyp taǵaıyndaldy.

Nurtas Soltanuly 2011 jyldan bastap Qazaqstan ulttyq telearnasynyń Reseıdegi menshikti tilshisi bolyp qyzmet atqardy. 13 jyl boıy Qazaqstan arnasynda eńbek etip keledi.

Almaty qalasynyń ákimi Baqytjan Saǵyntaevtyń ókimimen Nurtas Qaıyrov Almaty qalalyq strategııa jáne bıýdjet basqarmasynyń bastyǵy bolyp taǵaıyndaldy.

Nurtas Qaıyrov 1979 jyly 9 mamyrda týǵan. Eńbek jolyn 2002 jyly bastaǵan. Qazaqstan Respýblıkasy Statıstıka agenttiginiń «Aqparattyq esepteý ortalyǵy» RMK-da, Ekonomıkalyq damý jáne saýda mınıstrliginiń janyndaǵy «Ekonomıkalyq zertteýler ınstıtýty» AQ-da, «Qazaqstannyń ınvestıtsııalyq qory», sondaı-aq kásipkerlik salasynda jumys istedi. 2016 jyldan 2019 jylǵa deıin «Almaty Damý Ortalyǵy» AQ-da basshylyq qyzmetter atqardy. Sońǵy laýazymy - «Almaty damý ortalyǵy» AQ basqarýshy dırektory.

Bul aptada «Habar» telearnasy dırektory qyzmetine Dınara Asqarqyzy Bısembına taǵaıyndaldy.

Dınara Asqarqyzy Bısembına 1983 jyly dúnıege kelgen. L.N.Gýmılev atyndaǵy Eýrazııa ulttyq ýnıversıtetiniń jýrnalıstıka fakýltetin bitirgen. «Bolashaq» baǵdarlamasy boıynsha M.V.Lomonosov atyndaǵy Máskeý memlekettik ýnıversıteti jýrnalıstıka fakýltetiniń ekonomıkalyq jýrnalıstıka jáne jarnama kafedrasynda oqyǵan. Kásibı qyzmetin Astana qalasyndaǵy «Lıter» gazetiniń tilshisi retinde bastady. 2015-2017 jyldar aralyǵynda «Habar» agenttiginde qyzmet istegen. 2017 jyldan bastap Qyzylorda oblysy ákiminiń BAQ jáne qoǵammen baılanys máseleleri boıynsha keńesshisi bolǵan.

Belgili ánshi Qydyráli Bolmanov Mádenıet jáne sport mınıstriniń keńesshisi bolyp taǵaıyndaldy.

Qydyráli Nurtaıuly Bolmanov 1964 jyly 19 mamyrda Qaraǵandy oblysy Ulytaý aýdanynda dúnıege kelgen. Ánshi, prodıýser, fılosofııa ǵylymdarynyń doktory (Phd 2015). Qazaqstan jastar odaǵy syılyǵynyń jáne Daryn memlekettik syılyǵynyń laýreaty. Qurmet ordeniniń ıegeri (2013).

Aptanyń ortasynda Qazaqstannyń birqatar elderdegi jańa elshileri taǵaıyndaldy.

Memleket basshysynyń Jarlyǵymen Janar Seıdaqmetqyzy Aıtjan Jeneva qalasyndaǵy (Shveıtsarııa) Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstan Respýblıkasynyń Turaqty ókili qyzmetine taǵaıyndaldy. Ol Qazaqstan Respýblıkasynyń Shveıtsarııa Konfederatsııasyndaǵy Tótenshe jáne Ókiletti Elshisi qyzmetinen, Qazaqstan Respýblıkasynyń Lıhtenshteın Knıazdigindegi, Vatıkan Memleketindegi, Qasıetti Ierýsalım Ioanny, Rodos jáne Maltanyń Egemendi Áskerı Gospıtalerleri Ordeniniń janyndaǵy Tótenshe jáne Ókiletti Elshisi qyzmetterin qosa atqarýdan bosatyldy. Sondaı-aq, Memleket basshysynyń Jarlyǵymen Álibek Ásetuly Baqaev Qazaqstan Respýblıkasynyń Shveıtsarııa Konfederatsııasyndaǵy Tótenshe jáne Ókiletti Elshisi qyzmetine taǵaıyndaldy. Odan bólek Erlan Altynbaıuly Álimbaev Qazaqstan Respýblıkasynyń Úndistan Respýblıkasyndaǵy Tótenshe jáne Ókiletti Elshisi qyzmetine taǵaıyndaldy.

Al Ásem Rahmetova «Nur Otan» partııasy SQO fılıaly tóraǵasynyń birinshi orynbasary bolyp taǵaıyndaldy.

Bul taǵaıyndaýǵa deıin ol SQO ishki saıasat basqarmasynyń jetekshisi qyzmetin atqardy. Eńbek jolyn 2001 jyly «Qazaqstan» RTRK» AQ SQOF-tyń redaktory qyzmetinen bastady. 2002-2005 jyldary 2032 áskerı bólimshesinde kelisimshart boıynsha eńbek etti. 2005-2014 jyldary «Mýnıtsıpaldy telearnada» redaktor, SQO ishki saıasat basqarmasy jetekshisiniń orynbasary boldy. Keıin 2016 jylǵa deıin oblys ákiminiń baspasóz hatshysy qyzmetin atqaryp, SQO ishki saıasat basqarmasynyń jetekshisi laýazymyna taǵaıyndaldy.

Bul aptada BQO-nyń Bórli aýdanyna jańa ákim taǵaıyndaldy.

QR Prezıdenti Ákimshiligi jáne Bórli aýdany máslıhatynyń kelisimimen bul qyzmetke Mırjan Satqanov jaıǵasty.

Mırjan Munaıdaruly 1977 jyly dúnıege kelgen. Bilimi joǵary. Ár jyldary Oral qalasy ákimdigi qarjy bóliminiń jetekshi mamany, BQO kásipkerlikti qoldaý jáne damytý departamentiniń bas mamany, bólim bastyǵy, bastyǵynyń orynbasary, BQO kásipkerlik jáne ónerkásip departamenti (basqarma) dırektorynyń (bastyǵynyń) orynbasary, BQO kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary, basqarma basshysy, BQO jolaýshylar kóligi jáne avtomobıl joldary basqarmasynyń basshysy qyzmetterin atqardy. 2018 jyldyń tamyz aıynan bastap BQO ákiminiń orynbasary boldy.

Sondaı-aq, Aqmola ákiminiń keńesshisi Erbol Jaqsylyqov «Esil» áleýmettik-kásipkerlik korporatsııasy» ulttyq kompanııasy» aktsıonerlik qoǵamynyń Basqarma tóraǵasy bolyp taǵaıyndaldy.

Erbol Jaqsylyqov 1976 jyly Kókshetaý qalasynda týǵan. Eńbek jolyn 1998 jyly Kókshetaý qalasy apparatynyń ekonomıka basqarmasynda bas maman bolyp bastaǵan. 2004-2008 jyldary Aqmola oblysynyń kásipkerlik jáne ónerkásip departamenti dırektorynyń orynbasary, keıin dırektory boldy. 2017 jyldyń qazanynan bastap búgingi kúnge deıin Aqmola oblysy kásipkerlik jáne ónerkásip basqarmasynyń basshysy bolyp qyzmet etti. Ár jyldary «Aqtaý teńiz porty» AEA dırektsııasynyń dırektory, «Esil» ÁKK» ulttyq kompanııasy» AQ Basqarma basshysy bolǵan. Jeke kásippen aınalysqan. 2019 jyldyń shilde aıynyń sońynan Aqmola oblysy ákiminiń keńesshisi bolyp qyzmet istedi.

Bul aptada 41 jastaǵy Abzal Núkenov Qaraǵandy oblysy ákiminiń orynbasary bolyp taǵaıyndaldy.

Ol buǵan deıin elordadaǵy «Astana» halyqaralyq ǵylymı kesheni Dırektorlar keńesi tóraǵasynyń orynbasary bolyp qyzmet atqarǵan.

Qazaqstannyń Maındaǵy Frankfýrt (Germanııa) jáne Jıdda (Saýd Arabııasy) qalalarynda jańa Bas konsýldary taǵaıyndaldy bul aptada.

Qazaqstannyń Maındaǵy Frankfýrt qalasyndaǵy Bas konsýly qyzmetine Ermuhambet Bolatpekuly Qonyspaev taǵaıyndaldy. Ol Qazaqstan Respýblıkasy Prezıdentiniń «Bolashaq» halyqaralyq bilim berý stıpendııasynyń túlegi. Dıplomatııalyq qyzmetin QR Syrtqy ister mınıstrliginiń júıesinde 2001 jyly Ekijaqty yntymaqtastyq departamentiniń attashesinen bastady. 2002 jyly Qazaqstannyń Germanııadaǵy Elshiliginde, 2003-2007 jyldary Qazaqstannyń Aýstrııadaǵy Elshiliginde, 2008 jyly QR Parlamenti Májilisiniń Halyqaralyq ister, qorǵanys jáne qaýipsizdik komıtetinde jumys istedi. 2008-2014 jyldary Qazaqstannyń Germanııadaǵy Elshiliginiń birinshi hatshysy jáne keńesshisi bolyp jumys istedi. 2014 jylǵy qarasha aıynda Syrtqy ister mınıstrliginiń Syrtqy ekonomıkalyq saıasat departamenti dırektorynyń orynbasary bolyp taǵaıyndaldy. 2017 jyldyń tamyz aıynan qazan aıyna deıin SІM Eýrazııalyq ıntegratsııa departamenti dırektorynyń mindetin ýaqytsha atqarýshy boldy. Qazaqstannyń Maındaǵy Frankfýrt qalasyndaǵy Bas konsýl laýazymyna taǵaıyndalǵanǵa deıin SІM Eýrazııalyq ıntegratsııa departamentiniń dırektory qyzmetin atqardy

Qazaqstannyń Jıdda (Saýd Arabııasy) qalasyndaǵy Bas konsýly Talǵat Rahymkululy Shaldanbaı boldy. 1967 jyly 2 shildede Almaty oblysynda týǵan. Óziniń dıplomatııalyq mansabyn 1993 jyly SІM Konsýldyq basqarmasynyń referenti qyzmetinen bastady. Odan ári osy basqarmada attashe jáne keıin úshinshi hatshy laýazymynda jumys istedi. 1996 jyly Saýd Arabııasyndaǵy QR Elshiligine úshinshi hatshy retinde jiberildi. 2000-2002 jyldary SІM Ekijaqty yntymaqtastyq departamentinde ekinshi hatshy bolyp jumys istedi. 2002-2007 jyldary Dýbaı qalasyndaǵy QR Bas konsýldyǵynda ekinshi jáne birinshi hatshy jáne BAÁ-degi QR Elshiliginiń keńesshisi qyzmetin atqardy. 2007 jyldan 2010 jylǵa deıin Azııa, Taıaý Shyǵys jáne Afrıka departamentinde keńesshi jáne basqarma basshysy, sondaı-aq QR SІM Konsýldyq qyzmet departamentiniń Taıaý jáne Orta Shyǵys, Afrıka jáne Azııa basqarmasynyń basshysy qyzmetin atqardy. Odan ári Saýd Arabııasyndaǵy QR Elshiligine keńesshi-konsýl retinde jumysqa jiberildi. 2012-2015 jyldary Egıpettegi QR Elshiliginde keńesshi-ýákil bolyp jumys istedi. 2015 jyldan bastap 2017 jylǵa deıin SІM Jalpyazııalyq yntymaqtastyq departamentiniń IYU basqarmasyn basqardy. Jıdda qalasyndaǵy (Saýd Arabııasy) QR Bas konsýly laýazymyna taǵaıyndalǵanǵa deıin osy qaladaǵy QR konsýldyǵynyń basshysy-konsýl qyzmetin atqardy.

Apta sońyna qaraı Túrkistan oblysy ákiminiń baspasóz hatshysy taǵaıyndaldy. Bul qyzmetti Mıra Súleımenova atqaratyn boldy.

Mıra Pernebekqyzy 1978 jyly Qyzylorda oblysy, Shıeli aýdanynda dúnıege kelgen. Shymkent qalasyndaǵy T.Tájibaev atyndaǵy №47 mektep - gımnazııanyń úzdik túlegi. Bilimi - joǵary. 1999 jyly Ál - Farabı atyndaǵy Qazaq ulttyq ýnıversıtetiniń jýrnalıstıka fakýltetin úzdik bitirgen. Eńbek jolyn 1999 jyly «ıÝmaks radıosynda» jýrnalıst bolyp bastap, jańalyqtar qyzmetiniń bas redaktory qyzmetin atqarǵan. 2002 - 2013 jyldar aralyǵynda «31 arnanyń» OQO boıynsha menshikti tilshisi qyzmetin atqarǵan. «31 – Shymkent» telearnasynyń jańalyqtar qyzmetiniń bas redaktory bolǵan. 2017 jyldan beri Túrkistan oblystyq qoǵamdyq densaýlyq basqarmasynyń baspasóz hatshysy qyzmetin atqaryp kelgen.

Apta sońynda Qazaqstan Respýblıkasy Prezıdentiniń baspasóz hatshysy Berik Ýálı taǵy bir qyzmettiń tizginin qolyna aldy. Ol «QR Prezıdentiniń teleradıokesheni» dırektorlar keńesine tóraǵa bolyp saılandy.


Joǵary qaraı