Aýa raıy
Astana -3 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstanda apta ishinde bolǵan kadrlyq taǵaıyndaýlar

2019 jyldyń 22 qyrkúıek 2019 12:40

NUR-SULTAN. QazAqparat - Osy aptada Memleket basshysy Qasym-Jomart Toqaev Prezıdent Ákimshiliginde, Úkimette, elimizdiń qorǵanys salasynda kadrlyq aýys-túıis jasady. Jergilikti atqarýshy organdarda da kadrlyq ózgerister boldy. QazAqparat ádettegideı apta ishinde bolǵan taǵaıyndaýlarǵa sholýyn usynady.

Sonymen Memleket basshysynyń Jarlyǵymen Erlan Qoshanov Qazaqstan Respýblıkasy Prezıdenti Ákimshiliginiń Basshysy qyzmetine taǵaıyndaldy.

Erlan Jaqanuly 1962 jyly Qaraǵandy oblysynda týǵan. Qaraǵandy polıtehnıkalyq ınstıtýtyn, Qazaq memlekettik basqarý akademııasyn bitirgen. Eńbek jolyn Jezqazǵan ken-metallýrgııa kombınaty baıytý fabrıkasynyń slesary bolyp bastaǵan ol Senat depýtaty, QR Úkimetiniń Parlamenttegi ókili, QR Premer-Mınıstri Keńsesi basshysynyń orynbasary – QR Úkimetiniń Parlamenttegi ókili, QR Kólik jáne kommýnıkatsııa vıtse-mınıstri, atalǵan mınıstrliktiń Azamattyq avıatsııa komıtetiniń tóraǵasy, QR Premer-Mınıstri Keńsesi basshysynyń orynbasary – QR Úkimetiniń Májilistegi ókili qyzmetterin atqardy. QR Premer-Mınıstri Keńsesiniń basshysy bolǵan. 2017 jylǵy 14 naýryzynan bastap sońǵy taǵaıyndalýǵa deıin Qaraǵandy oblysynyń ákimi qyzmetinde boldy. «Parasat», «Qurmet» ordendarymen jáne mereıtoılyq medaldarymen marapattaldy.

Osy ýaqytqa deıin Prezıdent ákimshiligin basqarǵan Qyrymbek Kósherbaev Qazaqstan Respýblıkasynyń Memlekettik hatshysy bolyp taǵaıyndaldy. Al Memleket hatshysy bolǵan Marat Tájınniń qandaı qyzmetke baratyndyǵy ázirshe belgisiz.

Qyrymbek Eleýuly 1955 jyly 20 mamyrda Qyzylorda oblysynyń Qazaly qalasynda dúnıege kelgen. Qazaq polıtehnıkalyq ınstıtýty, SOKP OK janyndaǵy Qoǵamdyq ǵylymdar akademııasy bitirgen. QR Premer-Mınıstri orynbasarynyń kómekshisi, Almaty qalasy Kalının aýdanynyń ákimi, QR Mınıstrler Kabıneti Apparaty basshysynyń orynbasary - ishki saıasat bóliminiń meńgerýshisi, QR Prezıdentiniń Baspasóz hatshysy - Baspasóz qyzmetiniń jetekshisi, QR Bilim, mádenıet jáne densaýlyq saqtaý mınıstri, QR Densaýlyq saqtaý, bilim jáne sport mınıstri, QR Bilim jáne ǵylym mınıstri boldy. Odan keıingi jyldary Batys-Qazaqstan oblysynyń ákimi, Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi, Fınlıandııa, Armenııa Respýblıkalaryndaǵy Tótenshe jáne Ókiletti Elshisi qyzmetinqosa atqarýshy, Mańǵystaý oblysynyń ákimi, QR Prezıdentiniń keńesshisi QR Premer-Mınıstriniń birinshi orynbasary, Qyzylorda oblysynyń ákimi qyzmetterin atqardy. 2019 jyldyń 28 maýsymynda Prezıdent Ákimshiliginiń basshysy bolyp taǵaıyndalǵan edi.

QR Premer-Mınıstriniń orynbasary laýazymyna Roman Vasılevıch Sklıar keldi. Roman Vasılevıch 1971 jyly 8 mamyrda Pavlodar qalasynda dúnıege kelgen. Máskeý zamanaýı bıznes ınstıtýty men Qazaq quqyqtaný jáne halyqaralyq baılanys ınstıtýtyn bitirgen. Pavlodar qalalyq memlekettik satyp alý basqarma bastyǵy, Pavlodar qalasy ákiminiń orynbasary, Pavlodar qalasy ákimi apparatynyń basshysy, ákim orynbasary, Astana qalasynyń ákimi apparatynyń ınfraqurylymdy damytý bóliminiń meńgerýshisi, Astana qalalyq energetıka jáne kommýnaldyq sharýashylyq departamentiniń dırektory, Pavlodar oblysy ákiminiń orynbasary, birinshi orynbasary, QR Kólik jáne kommýnıkatsııa vıtse-mınıstri, «Qazaqstan temir joly» AQ vıtse-prezıdenti, QR Parlamenti Májilisiniń VІ shaqyrylymynda «Nur Otan» partııasynan depýtaty, QR Ekonomıka vıtse-mınıstri, QR Investıtsııalar jáne damý birinshi vıtse-mınıstri. boldy. 2019 jylǵy aqpannan beri QR Indýstrııa jáne ınfraqurylymdyq damý mınıstri qyzmetin atqaryp keldi. «Qurmet» ordenimen, medaldarmen marapattalǵan.

Memleket basshysynyń Jarlyǵymen Ǵalymjan Qoıshybaev QR Premer-Mınıstri Keńsesiniń basshysy qyzmetine taǵaıyndaldy.

Ǵalymjan Telmanuly 1968 jyly 12 sáýirde dúnıege keldi. M.Lomonosov atyndaǵy Máskeý memlekettik ýnıversıtetin, Joǵary mektebin bitirgen. QR Prezıdenti Ákimshiligi Syrtqy saıasat ortalyǵynyń bas ınspektory, QR Syrtqy ister mınıstrliginiń arnaıy tapsyrmalar jónindegi elshisi, Qazaqstannyń Lıtva, Latvııa, Estonııa, Fınlıandııa Respýblıkalaryndaǵy Tótenshe jáne Ókiletti Elshisi bolǵan. Jańa qyzmetke kelgenge deıin QR Syrtqy ister mınıstriniń orynbasary qyzmetin atqarǵan.

Memleket basshysynyń Jarlyǵymen Jeńis Qasymbek Qaraǵandy oblysynyń ákimi qyzmetine taǵaıyndaldy.

Jeńis Qasymbek 1975 jyly 7 qańtarda Jambyl oblysy Shý qalasynda dúnıege kelgen. Qazaq memlekettik sáýlet-qurylys akademııasyn, Eýrazııa ýnıversıtetin bitirgen. QR Kólik jáne kommýnıkatsııalar mınıstrligi Kóliktegi tarıftik saıasat departamentiniń, Sý kóligi departamenti dırektorynyń dırektory bolǵan. «Aqtaý halyqaralyq teńiz saýda porty» RMK dırektory qyzmetin atqarǵan. QR kólik jáne kommýnıkatsııalar vıtse-mınıstri, jaýapty hatshy, QR Kólik jáne kommýnıkatsııalar mınıstr, QR Investıtsııalar jáne damý mınıstriniń birinshi orynbasary mınıstri, QR Indýstrııa jáne ınfraqurylymdyq damý mınıstri bolyp jumys istegen. 2019 jyldyń aqpanynda QR Premer Mınıstriniń orynbasary qyzmetine taǵaıyndalǵan. «Qurmet» ordenimen, mereıtoılyq medaldarmen marapattalǵan.

Memleket basshysynyń Ókimderimen birneshe taǵaıyndaý boldy. Atap aıtqanda, Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi Erlik Shákiruly Álı Qazaqstan Respýblıkasynan Shanhaı yntymaqtastyǵy uıymy qyzmetiniń máseleleri jónindegi Ulttyq úılestirýshi qyzmetine; Nurbolat Erkebaıuly Topaev Qazaqstan Respýblıkasy Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy qyzmetine; Asan Qýanyshuly Júsipov «Shyǵys» óńirlik qolbasshylyǵy áskerleriniń qolbasshysy qyzmetine taǵaıyndaldy.

Muhtar Tileýberdi QR Syrtqy ister mınıstri qyzmetine taǵaıyndaldy.

Muhtar Beskenuly 1968 jyly Ońtústik Qazaqstan oblysynda dúnıege kelgen. Qazaq memlekettik ýnıversıtetin támamdaǵan. 1993 jyldan QR Syrtqy ister mınıstrliginde eńbek etken. QR Syrtqy ister vıtse-mınıstri, Qazaqstannyń Malaızııadaǵy Tótenshe jáne Ókiletti Elshisi, Indonezııadaǵy, Brýneı Darýssalamdaǵy jáne Fılıppın Respýblıkasyndaǵy Tótenshe jáne Ókiletti Elshisi qyzmetin qosa atqarýshy, QR-nyń Jenevadaǵy BUU bólimshesindegi jáne basqa da halyqaralyq uıymdardaǵy turaqty ókili, Qazaqstannyń Shveıtsarııadaǵy Tótenshe jáne Ókiletti elshisi, elimizdiń Lıhtenshteın kinıazdigindegi jáne Vatıkan memleketindegi dıpmıssııasynyń basshysy mindetin qosa atqarýshy boldy. 2016 jylǵy naýryz aıynan beri QR Syrtqy ister mınıstriniń birinshi orynbasary qyzmetin atqaryp keldi.

Memleket basshysynyń Jarlyǵymen Beıbit Atamqulov Qazaqstan Respýblıkasynyń Indýstrııa jáne ınfraqurylymdyq damý mınıstri qyzmetine taǵaıyndaldy.

Beıbit Bákiruly 1964 jyly 19 mamyrda dúnıege kelgen. Qazaq polıtehnıkalyq ınstıtýtyn, Sankt-Peterbýrg ekonomıka jáne qarjy memlekettik ýnıversıtetin bitirgen. Ekonomıka ǵylymdarynyń kandıdaty. Qazaqstan Respýblıkasynyń Reseı Federatsııasyndaǵy Elshiliginiń Keńesshisi, Keńesshi-ýákili, Iran Islam Respýblıkasyndaǵy Elshiliginiń Keńesshi-ýákili, Maındaǵy Frankfýrt qalasyndaǵy Qazaqstan Respýblıkasynyń Bas konsýly, . Qazaqstan Respýblıkasynyń Malaızııadaǵy jáne Fılıppın, Indonezııa, Brýneı-Darýssalam sultandyǵynda qosa atqarýshy Tótenshe jáne Ókiletti Elshisi boldy. QR Indýstrııa jáne jańa tehnologııalar mınıstrliginiń jaýapty hatshysy, Ońtústik Qazaqstan oblysynyń ákimi, QR Qorǵanys jáne aeroǵarysh ónerkásibi mınıstri qyzmetin atqardy. 2018 jyldyń 26 jeltoqsanynan bastap QR Syrtqy ister mınıstrligin basqardy. Qazaq, orys, aǵylshyn tilderin meńgergen. «Qurmet» ordeniniń, mereıtoılyq medaldardyń ıegeri.

QR Premer-Mınıstriniń Ókimimen Ábdirahymov Ǵabıdolla Rahmetollauly QR Úkimet basshysynyń keńesshisi bolyp taǵaıyndaldy.

Ǵabıdolla Ábdirahymov 1975 jyly týǵan. Qazaq memlekettik agrarlyq ýnıversıtetin bitirgen, «Bolashaq» baǵdarlamasymen nemis Memlekettik basqarý joǵary mektebinde oqyp, memlekettik ákimshilendirý magıstri dárejesin aldy. Túrli jyldary QR Memlekettik qyzmet isteri agenttigin, QR Básekelestikti qorǵaý agenttigin basqarǵan. QR Prezıdenti Ákimshiligi basshysynyń orynbasary, QR Premer-Mınıstri keńsesiniń basshysy, «Nur Otan» partııasynyń hatshysy laýazymdaryn atqarǵan. 2015-2017 jyldary, sondaı-aq 2018-2019 jyldar aralyǵynda Shymkent qalasynyń ákimi bolyp jumys istedi.

QR Úkimetiniń qaýlysymen Aqerke Ahmetova ádilet vıtse-mınıstri qyzmetine taǵaıyndaldy.

Aqerke Estaıqyzy 1975 jyly Almaty qalasynda týǵan. Sh. Ýálıhanov atyndaǵy Kókshetaý pedagogıkalyq ınstıtýtyn, E.Bóketov atyndaǵy Qaraǵandy memlekettik ýnıversıtetin, Kókshetaý ýnıversıtetin, QR Prezıdenti janyndaǵy Memlekettik basqarý akademııasyn, Bolashaq baǵdarlamasy boıynsha Ulybrıtanııanyń Sheffield ýnıversıtetin bitirgen. Eńbek jolyn 1991 jyly bastaǵan. Túrli jyldary kommertsııalyq salada jumys istedi. 2000 jyldan bastap QR Ádilet mınıstrliginiń qurylymynda jumys isteıdi. Bas maman, halyqaralyq kelisimsharttar jobalaryn saraptaý bóliminiń basshysy, Departament dırektorynyń orynbasary qyzmetterin atqarǵan. 2015–2017 jyldary — QR Ádilet mınıstrliginiń Halyqaralyq quqyq jáne yntymaqtastyq departamentiniń dırektory. 2018 jylǵy naýryzdan qazirgi tańǵa deıin QR Ádilet mınıstrliginiń Memlekettik múlik quqyǵyn qorǵaý departamentiniń dırektory laýazymyn atqarǵan.

Asan Darbaev QR UEM Tabıǵı monopolııalardy retteý komıtetiniń tóraǵasy bolyp taǵaıyndaldy.

Asan Kóbentaıuly 1984 jyly Aqmola oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, T. Rysqulov atyndaǵy Qazaq ekonomıka ýnıversıtetin, QR Prezıdenti janyndaǵy Memlekettik basqarý akademııasyn, Warwick ýnıversıtetin támamdaǵan. Eńbek jolyn 2005 jyly QR Qarjy mınıstrliginiń qurylymynda bastaǵan. Túrli jyldary «Básekeli saıasatty damytý jáne qorǵaý ortalyǵynda», Almaty oblysy boıynsha Monopolııaǵa qarsy basqarmada básekelestikti qorǵaý bóliminiń bas mamany, basshysy qyzmetterin atqarǵan. 2013-2014 jyldary QR Básekelestikti qorǵaý agenttiginde Kvazımemlekettik sektor jáne tutynýshylardyń quqyqtaryn qorǵaý departamenti dırektorynyń orynbasary, Memlekettik kásiporyndar men qosylýlaryn baqylaý departamentiniń dırektorynyń orynbasary boldy. 2014-2015 jyldary QR Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıtetiniń Memlekettik kásiporyndar men qosylýlaryn baqylaý basqarmasyn basqardy. 2015-2017 jyldary — QR UEM Tabıǵı monopolııalardy retteý jáne básekelestikti qorǵaý komıtetiniń tóraǵasynyń orynbasary. 2017 jyldan bastap qazirge deıin QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary bolyp eńbek etti.

Qýandyq Aıtmaǵanbetov Almatynyń Jaıly qalalyq orta basqarmasynyń basshysy bolyp taǵaıyndaldy.

Qýandyq Aıtmaǵanbetov 1980 jyly 8 sáýirde týǵan. L.Gýmılev atyndaǵy Eýrazııa ýnıversıtetin, Ortalyq Qazaqstan akademııasyn támamdaǵan. Eńbek jolyn 2002 jyly Astana qalasy Abattandyrý basqarmasynyń jol jumysshysy bolyp bastaǵan. 2002-2016 jyldar aralyǵynda «Qalkommýnshar» MKK jóndeý-qurylys basqarmasynyń proraby, «Astanaqurylysınjınırıng» JShS jetekshi ınjeneri, Astana qalasy Qurylys departamentiniń ınjener-qurylysshy mindetin atqarýshy bolǵan. 2008-2016 jyldar aralyǵynda Astana qalasynyń Qurylys basqarmasynda taldaý bóliminiń bas mamany jáne qurylys bóliminiń basshysy qyzmetterin atqarǵan. 2016 jyldyń jeltoqsanynan 2019 jyl aralyǵynda Almaty qalasynyń Qurylys basqarmasynda josparlaý jáne memlekettik satyp alý bóliminiń bas mamany, basshynyń orynbasary qyzmetterin atqarǵan. 2019 jyldan jańa taǵaıyndaýǵa deıin Almaty qalasy Jaıly orta basqarmasy basshysynyń orynbasary bolǵan.

Almaty qalasy ákiminiń ókimimen Baqytjan Naýryzbekov Qala qurylysyn baqylaý basqarmasynyń basshysy bolyp taǵaıyndaldy .

Baqytjan Naýryzbekov 1983 jyly 2 tamyzda týǵan. Almaty tehnologııalyq ýnıversıtetin, M. Tynyshbaev atyndaǵy Qazaq kólik jáne kommýnıkatsııa akademııasyn, Turan ýnıversıtetin támamdaǵan. Eńbek jolyn 2005 jyly Almaty qalasy Kásipkerlik jáne ónerkásip departamentinde qyzmet kórsetýdi damytý bóliminiń mamany retinde bastaǵan. 2005-2016 jyldary Kásipkerlik jáne ónerkásip departamenti saýdany damytý bóliminiń bastyǵy, Bostandyq aýdany ákimi apparatynyń kásipkerlik pen ónerkásipti damytý bóliminiń basshysy, Medeý aýdany ákimi apparatynyń kásipkerlik pen ónerkásipti damytý bóliminiń basshysy qyzmetterin atqarǵan. 2016-2018 jyldary Medeý aýdany ákiminiń orynbasary boldy. 2018 jyldan jańa taǵaıyndaýǵa deıin Almaty qalasy Kásipkerlik jáne ınvestıtsııalar basqarmasynyń basshysy qyzmetin atqardy.

Pavlodar oblystyq Energetıka jáne turǵyn úı-kommýnaldyq sharýashylyq basqarmasynyń basshysy bolyp Murat Ábilqalyqov taǵaıyndaldy.

Murat Ábilqalyqov 1988 jyly dúnıege kelgen. «Jylý energetıkasy» jáne «Ekonomıka» mamandyqtary boıynsha eki joǵary bilimi bar. 2009-2014 jyldar aralyǵynda QR Indýstrııa jáne jańa tehnologııalar mınıstrliginiń elektr energetıkasy jáne kómir ónerkásibi departamenti elektr energetıkasyn damytý basqarmasynyń sarapshysy bolyp jumys istedi. 2014 jylǵy qańtar – 2015 jylǵy shilde aralyǵynda Pavlodar oblysy energetıka basqarmasy energomenedjment bóliminiń basshysy laýazymyn atqardy. Jańa taǵaıyndaýǵa deıin Energetıka jáne turǵyn úı-kommýnaldyq sharýashylyq basqarmasy basshysynyń orynbasary bolyp qyzmet etti.

Soltústik Qazaqstan oblysynda QR Prezıdenti Ákimshiliginiń kelisimimen jáne aýdandyq máslıhat depýtattarynyń biraýyzdan qoldaýymen Aqqaıyń aýdanyna ákim bolyp Rústem Elýbaev taǵaıyndaldy.

Rústem Elýbaev 1969 jyly 27 shildede burynǵy Kókshetaý oblysy Qyzyltý aýdanynyń Maı aýylynda týǵan. Kókshetaý aýyl sharýashylyǵy ınstıtýtyn jáne Sh. Ýálıhanov atyndaǵy Kókshetaý aýyl sharýashylyǵy ýnıversıtetin bitirgen. Eńbek jolyn 1992 jyly Lenın aýdanynyń «Maı» keńsharynda tuqym ósirýshi-agronom bolyp bastaǵan. Túrli laýazymdy qyzmette, sonyń ishinde 2005 jyly SQO ákiminiń keńesshisi, 2006 jyly Ýálıhanov aýdanynyń ákimi, 2007 jyly SQO Jer qatynastary basqarmasynyń bastyǵy, 2009-2013 jyldar aralyǵynda Aqqaıyń aýdanynyń ákimi jáne SQO Mádenıet, muraǵat jáne qujattar basqarmasy jetekshisi boldy. Osy taǵaıyndaýǵa deıin QR AShM agroónerkásiptik keshendegi memlekettik ınspektsııa komıtetiniń «Fıtosanıtarlyq dıagnostıka jáne boljaý ádistemelik ortalyǵy» oblystyq fılıalyn basqarǵan.

Qaraǵandy oblysy Nura aýdanynyń ákimi bolyp Aıan Shalmaǵanbetov taǵaıyndaldy,

Aıan Shalmaǵanbetov 1972 jyly 14 aqpanda Nura aýdany Kıevka kentinde dúnıege kelgen. «Ekonomıst-menedjer», «quqyqtaný bakalavry» biliktiligi boıynsha eki joǵary bilimi bar. Aqmola agrarlyq ýnıversıteti men E. A. Bóketov atyndaǵy QarMÝ-di bitirgen. Eńbek jolyn qurylysta jumysshy bolyp bastaǵan. «Qazaqstan temir joly» RMK-da jumys istedi, onda jetekshi mamannan basqarma bastyǵynyń orynbasaryna deıingi eńbek jolyn júrip ótti. Kommertsııalyq qurylymdarda jumys tájirıbesi bar. Memlekettik qyzmette 2012 jyldan bastap. Ortalyq atqarýshy organdarda basshylyq qyzmetterde: QR Tabıǵı monopolııalardy retteý agenttiginde, QR Ulttyq ekonomıka mınıstrliginde jumys istedi. Qaraǵandy oblysynyń ekonomıka jáne qarjy basqarmasy basshysynyń orynbasary boldy. 2015 jyldyń jeltoqsan aıynan bastap osy laýazymǵa taǵaıyndalǵanǵa deıin oblystyq jer qatynastary basqarmasyn basqardy.

Avtor Marlan Jıembaı
Basty sózder: Qoǵam, Taǵaıyndaý,
Joǵary qaraı