Aýa raıy
Astana 13 °S
Almaty 12 °S
valıýta baǵamy
USD 385.42
EUR 424.58
RUB 6.00
CNY 54.31

Qazaqstanda qolma-qol aqshasyz esep aıyrysý kólemi 2 eseden astam ósti

2019 jyldyń 19 tamyz 2019 14:13

NUR-SULTAN. QazAqparat – 2019 jyldyń birnshi jartyjyldyǵynda Qazaqstanda qolma-qol aqshasyz esep aıyrysý kólemi 2 eseden astam ósti, dep habarlaıdy QazAqparat tilshisi ranking.kz saıtyna silteme jasap.

«2019 jyldyń qańtar-maýsymynda qolma-qol aqshasyz esep aıyrysý kólemi jyl ishinde 2 eseden astamǵa ósip, 4,8 trln teńgeni qurady. Al osy kezeńdegi tranzaktsııalar sany 192,8 mıllıonnan 460,3 mıllıonǵa deıin artty. Ótken jyldyń sáıkes kezeńinde qolma-qol aqshasyz tólemderdiń somasy 2,2 trln teńgeni quraǵan edi», - de jazady portal.

2018 jyldyń ishinde ınternet arqyly bólshek saýda kólemi 144,6 mlrd teńgeni qurap, bólshek saýdanyń jalpy kólemindegi úlesi 1,4 paıyzǵa teń boldy.

QR Saýda jáne ıntegratsııa mınıstrliginiń málimetinshe, saýda-sattyqtyń shamamen 40 paıyzy áli de kóleńkede qalyp otyr, ıaǵnı salyq salynbaıdy. Saýdany kóleńkeden shyǵarý tetikteriniń biri – saýda ınfraqurylymdaryn, onyń ishinde saýda bazarlaryn jańǵyrtý. Máselen, turaqsyz bazarlardyń barlyǵyn kezeń-kezeńimen zamanaýı saýda formatyna kóshirý josparlanǵan.

Kóterme-bólý ortalyqtarynyń qurylysy boıynsha da jumys júrgizilip jatyr. Buǵan qosa, vedomstvo elektrondy kommertsııa salasyn damytý boıynsha jumys júrgizýde.

Avtor Marlan Jıembaı
Basty sózder: Ekonomıka, Qarjy,
Joǵary qaraı