Aýa raıy
Astana 19 °S
Almaty 17 °S
valıýta baǵamy
USD 386.71
EUR 429.17
RUB 6.02
CNY 54.66

Qazaqstanda polıtsııaǵa alataıaq qaıtarylýy múmkin

2019 jyldyń 20 tamyz 2019 11:52

NUR-SULTAN. QazAqparat – QR Іshki ister mınıstrligi jol qozǵalysyn retteıtin polıtsııa qyzmetkerlerine alataıaqty qaıtarýǵa bastama kóterdi, dep habarlaıdy QazAqparat tilshisi.

«Azamattardyń kelip túsken ótinishterine baılanysty jáne jol qozǵalysyna qatysýshylardyń retteýshi polıtseıdiń áreketterin qabyldaýyn jaqsartý, ásirese qarańǵy jáne túngi ýaqyttarda, sondaı-aq jol qozǵalysyn retteýshi polıtseıdi qaǵyp ketý oqıǵalarynyń aldyn alý maqsatynda Іshki ister mınıstrligi patrýldik polıtsııa qyzmetkerleriniń alataıaqty (jezl) paıdalaný tájirıbesine qaıta engizýdi usynady», - delingen atalǵan vedomstvo taratqan aqparatta.

Bul rett mınıstrlik alataıaqtardy tek qana jol qozǵalysyn retteýdi júzege asyrý úshin paıdalanýdy usynyp otyr. Atap aıtqanda, jol-kólik oqıǵalary men keptelister kezinde kólik quraldaryn burý úshin, baǵdarshamdardyń aqaýlyǵy nemese bolmaýy, aýa raıynyń nasharlaýy jáne avtojoldarda nashar kóriný jáne basqa da qajetti jaǵdaılarda ǵana ala taıaqty qoldanýǵa bolady dep sanaıdy. Al kólikti toqtatý úshin ala taıaqty paıdalanýǵa úzildi-kesildi tyıym salý qajet dep esepteıdi.

Avtor Marlan Jıembaı
Basty sózder: QR ІІM, Qoǵam,
Joǵary qaraı