Aýa raıy
Astana 20 °S
Almaty 20 °S
valıýta baǵamy
USD 385.16
EUR 425.95
RUB 6.01
CNY 54.51

Qazaqstanda jumyssyzdar sany azaıdy

2019 jyldyń 20 tamyz 2019 15:18

NUR-SULTAN. QazAqparat – Bıylǵy ekinshi toqsanynyń qorytyndysy boıynsha Qazaqstanda jumyssyzdyq deńgeıi 442,8 myńnan 441,8 myń adamǵa azaıdy. Bul týraly QazAqparat Eńbek resýrstaryn damytý ortalyǵyna silteme jasap habarlaıdy.

Mundaı tujyrymdardy Eńbek resýrstaryn damytý ortalyǵynyń (budan ári ERDO) sarapshylary QR Ulttyq ekonomıka mınıstrligi statıstıka komıtetiniń aqparatyn taldaý nátıjesinde jasady. Sarapshylardyń pikirinshe, halyq sanynyń kóptigine baılanysty jumyssyzdyqtyń eń joǵary deńgeıi elimizdiń ońtústik óńirlerinde tirkelgen.

«Jumyspen qamtýdyń joǵary úlesine qaramastan Almatyda jumyssyz azamattardyń sany 50,3 myń, Almaty oblysynda – 48 myń, Túrkistan oblysynda – 42,1 myń adamdy qurady. Ótken jyldyń sáıkes kezeńimen salystyrǵanda jumyssyzdar sanynyń teris ósý dınamıkasy Mańǵystaý oblysynda - 12,7%, Atyraý oblysynda - 6,5%, Nur-Sultanda - 5,7% baıqaldy», – dedi ERDO eńbek naryǵyn taldaý departamentiniń dırektory Jaqsylyq Konanov.

Onyń aıtýynsha, jas erekshelikteri turǵysynan jumyssyz adamdardyń eń kóp sany – 25-35 jasqa deıingi aralyqta baıqalýda – 38,5% (169,9 myń adam), eń azy – 65-ten joǵary sanatta – 0,6% (2,5 myń).

«Jumyssyzdardyń basym bóliginde orta kásiptik (41,4%) nemese joǵary bilimi (33%) bar jáne ótken jyldyń ekinshi toqsanymen salystyrǵanda olardyń sany 10,3% jáne 17,3% artqan. Onyń negizgi sebebi túlekterdiń jumysqa ornalasý múmkindiginiń joqtyǵy – 24,8% (93,5 myń adamnyń jumys tabýǵa múmkindigi joq, 14,3 myń adam oqýdan keıin jumyssyz) jáne mamandardyń turaqtamaýy – 35,5% (óz erkimen jumystan ketý – 116,8 myń, eńbek kelisimsharttyń merzimi aıaqtalýyna oraı jumystan bosatylý – 37,5 myń)», – dedi Konanov.

Onyń aıtýynsha, mamandar turaqtamaýynyń birden-bir sebebi – óńir men ekonomıkanyń salasyna baılanysty eńbekaqynyń birdeı bolmaýy.

Joǵary qaraı