Aýa raıy
Astana 1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

Qazaqstanda jylyna 35 myńnan astam adam qaterli isikke shaldyǵady

2019 jyldyń 24 maýsym 2019 18:33

ALMATY. QazAqparat - Elimizde onkologııalyq dertke jylyna 35 myńnan astam adam shaldyǵady. Onyń 15 myńǵa jýyǵy qaıtys bolady. Esepte 189 myń naýqas tur. Bul týraly medıtsına ǵylymdarynyń doktory, Qazaq onkologııa jáne radıologııa ǵylymı-zertteý ınstıtýtynyń dırektory Dılıara Qaıdarova «ıAdrolyq ǵylym jáne tehnologııalar» atty ǵylymı forýmy barysynda aıtty, dep habarlaıdy QazAqparat.

«Biz kún saıyn 25 naýqasty anyqtaımyz. Negizinde qazir ókpe ragy, sút bezi obyry, ishek, asqazan dertteri. Endi jatyr moıny obyry, sút bezi qaterli isigin anyqtaıtyn skrınıng ótkizip jatyrmyz», - deıdi Dılıara Qaıdarova.

Onyń aıtýynsha, qazir ıadrolyq medıtsına máselesi ózekti bolyp tur,óıtkeni ol isiktiń erte kezeńine dıagnoz qoıýǵa kómektesedi.

«Bizge keletin naýqastardyń 85% -y aýrýdyń 2, 3 nemese 4-satylarynda kómekke júginedi. Barlyq adamdar dıagnostıkadan ótip turý kerek. Qaterli isiktiń bastapqy satysyn emdeýge, aýrýdy túbegeıli jeńýge múmkindik bar», - dep atap ótti Dılıara Qaıdarova.

Bul dertke kóbine 50 jastan asqan adamdar shaldyǵady. Alaıda, sońǵy jyldary jastar arasynda da jıi kezdesetin boldy.

«Únemi tekserilip otyrý kerek. Qazir elimiz boıynsha aı saıyn skrınıngter ótkiziledi.. Onkologııalyq aýrý birden shyqpaıdy. Ol metastaza ketkende ǵana bilinedi. 0-1 kezeńde rak aýrýy 100%, ekinshisinde - 85%, 3-4 satyda ómir súrý deńgeıi 40-50% bolady».



null

Sonymen qatar, Dılıara Qaıdarova emdelýshilerge barlyq emhanalardan tegin dıagnostıka jasatýǵa bolatyndyǵyn eske saldy.

«Onkologııalyq qyzmet ıadrolyq tehnologııasyz jumys isteı almaıdy. ıAdrolyq tehnologııany qoldaný tásilderi onkologııalyq aýrýlardy dıagnostıkalaý men emdeýge engizilýde. Bul negizinen isik dıagnostıkasyn, qaterli isik dıagnozyn anyqtaıtyn jáne jarty santımetrge deıingi metastazdardyń bar-joǵyn anyqtaýǵa arnalǵan PET ádisi bolyp tabylady. Osy medıtsınalyq jabdyqqa qazir memleketten qarjy bólindi. Mundaı (PET) qurylǵylary ázirge Nur-Sultan men Almatydaǵy onkologııa ınstıtýtynda bar», - dep túsindirdi ol.



null

Aıta ketsek, Dılıara Kaıdarova «ıAdrolyq ǵylym jáne tehnologııalar» halyqaralyq ǵylymı forýmy aıasynda ótip jatqan «Medıtsına, ónerkásip jáne aýyl sharýashylyǵy salasyndaǵy ıadrolyq jáne radıatsııalyq tehnologııalar» atty ǵylymı-praktıkalyq konferentsııada sóz sóıledi.

Avtor: Alma Muqanova

Basty sózder: Medıtsına, Almaty,
Joǵary qaraı