Aýa raıy
Astana 12 °S
Almaty 22 °S
valıýta baǵamy
USD 386.70
EUR 427.15
RUB 6.06
CNY 54.57

Qazaqstandaǵy apta ishindegi jańa kadrlyq taǵaıyndaýlar

2019 jyldyń 18 tamyz 2019 11:51

NUR-SULTAN. QazAqparat - Osy aptada Memleket basshysy Qasym-Jomart Toqaevtyń Jarlyǵymen QR Parlamenti Senatynyń 8 depýtaty taǵaıyndaldy. Munan bólek jer-jerlerde de kadrlyq aýys-túıis oryn aldy. QazAqparat apta ishindegi osy taǵaıyndaýlarǵa sholý usynady.

Sonymen Senat depýtaty bolyp qaıta taǵaıyndalǵan Darıǵa Nursultanqyzy Nazarbaeva 1963 jyly Qaraǵandy oblysynyń Temirtaý qalasynda týǵan. M.Lomonosov atyndaǵy Máskeý memlekettik ýnıversıtetiniń tarıh fakýltetin, aspırantýrasyn, Qazaq memlekettik ýnıversıtetiniń tarıh fakýltetin bitirgen. Saıası ǵylymdar doktory, tarıh ǵylymdarynyń kandıdaty. «Habar» agenttigi» JAQ Dırektorlar keńesiniń tóraıymy, QR Parlamenti Májilisiniń depýtaty, «Qazaqstan Respýblıkasy Tuńǵysh Prezıdenti Qory» qoǵamdyq qorynyń dırektory, Májilis tóraǵasynyń orynbasary bolǵan. 2015 jylǵy qyrkúıekten QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń tóraıymy, al 2019 jyldyń naýryzynan QR Parlamenti Senatynyń tóraǵasy boldy. «Qurmet», «Parasat» ordenimen jáne Frantsııa Respýblıkasynyń Ádebıet jáne óner ordenimen marapattalǵan. Aǵylshyn, ıtalıan, nemis tilderin meńgergen.

Darıǵa Nazarbaevamen birge Muhtar Abraruly Qul-Muhammed te Senat depýtaty bolyp qaıta taǵaıyndalyp otyr. Ol 1960 jyly 12 jeltoqsanda Qytaı Halyq Respýblıkasynyń Sháýeshek qalasynda dúnıege kelgen. Ál-Farabı atyndaǵy Qazaq ulttyq ýnıversıtetin támamdaǵan. QR Mádenıet, aqparat jáne qoǵamdyq kelisim mınıstri, QR Prezıdentiniń keńesshisi jáne baspasóz hatshysy, QR Prezıdenti Ákimshiligi basshysynyń orynbasary qyzmetterin atqarǵan. Qyzylorda oblysynyń ákimi, QR Mádenıet jáne aqparat mınıstri, Mádenıet mınıstri, QR Memlekettik hatshysy, QR Mádenıet jáne aqparat mınıstri, QR Prezıdentiniń keńesshisi bolyp taǵaıyndalǵan. Zań ǵylymdarynyń doktory, professor. 100-den asa ǵylymı eńbekteri, onyń ishinde 6 monografııasy jaryq kórdi. Ǵylymı eńbekteriniń negizgi baǵyty memleket jáne quqyq tarıhy, saıası jáne quqyqtyq ilimder tarıhy, túrki halyqtarynyń tarıhy men mádenıeti, rýhanııat pen órkenıet máselelerine arnalǵan. Qazaqstan Respýblıkasy Memlekettik syılyǵynyń ıegeri. «Qurmet» ordenimen marapattalǵan.

Al Senat depýtaty bolyp jańadan taǵaıyndalǵan QR Gýmanıtarlyq ǵylym akademııasynyń, Jýrnalıstıka akademııasynyń akademıgi, BAQ salasyndaǵy Prezıdent syılyǵynyń jáne Qazaqstan Jýrnalıster odaǵynyń B.Bulqyshev atyndaǵy syılyǵynyń laýreaty Nurtóre Baıtilesuly Júsip 1961 jyly 29 sáýirde Qyzylorda oblysynyń Shıeli aýdanynda dúnıege keldi. Ál-Farabı atyndaǵy Qazaq ulttyq ýnıversıtetin bitirgen. «Egemen Qazaqstan» gazeti ekonomıka bóliminiń meńgerýshisi, bas redaktorynyń orynbasary, «Jas alash» gazetiniń bas redaktory, «Aq Jol Qazaqstan» gazetiniń bas redaktory, «Egemen Qazaqstan» gazetiniń bas dırektory, «Astana habary» gazetiniń bas redaktory, «Aıqyn» gazetiniń bas redaktory bolǵan. Onyń «Biz kimnen kembiz», «Qazaqtyń qyzy», «Eles pen beles» atty pýblıtsıstıkalyq jınaqtary jaryq kórgen. «Qurmet» ordenimen, medaldarmen marapattalǵan.

Al Asqar Orazalyuly Shákirov osyǵan deıin Qazaqstan Respýblıkasyndaǵy Adam quqyqtary jónindegi ýákil qyzmetin atqaryp kelgen bolatyn. Ol Qaraǵandy qalasynda týǵan. M.V.Lomonosov atyndaǵy Máskeý memlekettik ýnıversıteti janyndaǵy Azııa jáne Afrıka elderi ınstıtýtyn, KSRO Іshki ister mınıstrligi akademııasynyń adıýnktýrasyn bitirgen. QR Syrtqy ister mınıstriniń orynbasary, Qazaqstannyń Úndistan Respýblıkasyndaǵy Tótenshe jáne Ókiletti Elshisi, QR Syrtqy ister vıtse-mınıstri, QR Qarjy mınıstrligi Keden komıtetiniń tóraǵasy qyzmetterin atqarǵan. Birneshe medalmen marapattalǵan.

Senator bolǵan Lázzat Jańylysqyzy Súleımen 1961 jyly 10 aqpanda Taldyqorǵan oblysy Aqsý aýdany Jansúgirov kentinde dúnıege kelgen. Abaı atyndaǵy Qazaq pedagogıkalyq ınstıtýtynyń matematıka fakýltetin, Reseı memlekettik áleýmettik ınstıtýtynyń ekonomıka fakýltetin bitirgen. 1998 jyldan QR Ortalyq saılaý komıssııasy apparatynyń keńesshisi, aqparattyq-taldaý bóliminiń meńgerýshisi, 2003 jyldan beri QR Ortalyq saılaý komıssııasynyń múshesi bolǵan. Birneshe medalmen marapattalǵan.

Prokýratýradan Senat depýtattarynyń qataryna qosylǵan Andreı Lýkın elimizdiń ishki ister organdarynda qyzmet jolyn bastalyp, Aqmola qalalyq ishki ister shyǵys bóliminiń bastyǵy, Aqmola qalalyq ishki ister basqarmasynyń bastyǵy, Aqmola qalasy boıynsha Memlekettik tergeý komıteti basqarmasynyń bastyǵy bolǵan. Ekonomıkalyq qylmysqa jáne sybaılas jemqorlyqqa qarsy kúres agenttiginde (qarjy polıtsııasy) jumys istep, keıinnen Astana qalasy ákiminiń orynbasary qyzmetin atqarǵan. 2017 jylǵy 23 tamyzdan 2019 jylǵy 25 sáýirge deıin QR Bas prokýrorynyń orynbasary bolyp eńbek etken.

Senator atanǵan Dana Nurjigittiń esimi kópke belgili. Qazaq televızııasynda ózindik orny bar Dana Nurjigit birneshe ıntelektýaldyq baǵdarlamanyń avtory. Telejúrgizýshilik qyzmetin 24 jasynda «Habar» arnasynda bastaǵan. «Habar» telearnasynda 41 jasyna deıin qyzmet atqarǵan. Qazaq kórermenderine Dananyń «Dara jol» baǵdarlamasy etene tanys ekenin aıta ketý kerek.

Al Qanatbek Safınov 1962 jyly Jambyl oblysynda ómirge kelgen. Kırov atyndaǵy Qazaq memlekettik ýnıversıtetiniń túlegi. Ár jyldary Qazaqstannyń GFR saýda ókiliniń orynbasary, «Qazaqstan áýe joly» UAK vıtse-prezıdenti, QR Investıtsııalar jónindegi memlekettik komıtetiniń Jobalardy baǵalaý jáne kelissózder júrgizý dırektsııasynyń menedjeri, QR Premer-Mınıstri Keńsesiniń quqyqtyq saraptama bóliminiń meńgerýshisi, zań bóliminiń meńgerýshisi, zań, qorǵanys jáne quqyq tártibi bóliminiń meńgerýshisi, zań bóliminiń meńgerýshisi qyzmetterin atqarǵan.

Sonymen qatar osy aptada Memleket basshysynyń Jarlyǵymen Jalǵas Jumauly Ádilbaev Qazaqstan Respýblıkasynyń Mońǵolııadaǵy Tótenshe jáne Ókiletti Elshisi qyzmetine taǵaıyndaldy.

Jalǵas Jumauly ár jyldary Lıtva men Avstrııadaǵy Qazaqstan elshiliginiń keńesshisi bolyp jumys istedi. Iran Gorgan qalasyndaǵy Qazaqstannyń bas konsýly qyzmetin atqardy. Jańa laýazymǵa taǵaıyndalǵanǵa deıin Qazaqstan SІM erekshe tapsyrmalar jónindegi elshisi boldy.

QR Úkimetiniń qaýlysymen QR ekologııa, geologııa jáne tabıǵı resýrstar vıtse-mınıstri qyzmetine taǵaıyndalǵan Sergeı Nıkolaevıch Gromov 1959 jyly Taldyqorǵan oblysynda dúnıege kelgen. Jambyl gıdromelıoratsııa-qurylys ınstıtýtyn, Almaty saıasattaný jáne basqarý ınstıtýtyn, Áýlıe Ata ýnıversıtetin quqyqtaný bitirgen. 1998 jyldan bastap memlekettik qyzmette jumys isteıdi. Túrli jyldary Ońtústik Qazaqstan oblysynda aýdan ákimi, ákimniń birinshi orynbasary, Prezıdent Ákimshiliginiń memlekettik ınspektory bolyp jumys istedi. 2007 jyldan 2011 jyl aralyǵynda «Nur Otan» halyqtyq-demokratııalyq partııasynyń apparat basshysy, tóraǵasynyń orynbasary, hatshysy boldy. 2011 jylǵy qyrkúıekten 2013 jyl aralyǵynda QR Qorǵanys mınıstriniń orynbasary laýazymyn atqardy. 2013 jyldyń tamyzynan 2016 jyldyń qańtary aralyǵynda - V shaqyrylymyndaǵy QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi. 2016 jyldyń qańtarynan qazirge deıin QR Parlamenti Senaty tóraǵasynyń orynbasary boldy.

Memleket Basshysynyń Jarlyǵymen Vıktor Aleksandrovıch Malınovskıı Qazaqstan Respýblıkasy Konstıtýtsııalyq Keńesiniń múshesi qyzmetine taǵaıyndaldy. Ol 1956 jyly 27 mamyrda Almaty qalasynda týǵan. Qazaq memlekettik ýnıversıtetiniń zań fakýltetin bitirgen. Zań ǵylymynyń doktory. Qazaqstan Respýblıkasy Prezıdenti men Mınıstrler Kabıneti Apparatynyń Memlekettik-quqyq bóliminiń referenti, aǵa referenti, Respýblıka Konstıtýtsııalyq Sotynyń sýdıasy bolyp qyzmet atqardy. Sońǵy ýaqytta «Internıýs-Qazaqstan» mekemesinde zańger, Abaı atyndaǵy Qazaq ulttyq pedagogıka ýnıversıteti konstıtýtsııalyq quqyq kafedrasynyń meńgerýshisi, QR Bas prokýrorynyń orynbasary, Bas prokýror bolyp jumys istedi.

Abat Shynybekov Oral qalasynyń ákimi bolyp taǵaıyndaldy.

Abat Abaıuly 1973 jyly dúnıege kelgen. Batys Qazaqstan aýyl sharýashylyq ınstıtýtyn, «Eýrazııa» Batys Qazaqstan menedjment jáne tilder ınstıtýtyn, Batys Qazaqstan ınjenerlik-gýmanıtarlyq ýnıversıtetin bitirgen. Tehnıka ǵylymdarynyń magıstri. Ár jyldary Qaratóbe aýdanynyń ákimi apparatynda maman, bas maman, bólim meńgerýshisi, Batys Qazaqstan oblysy ákimi apparatynda bas maman, bas ınspektor, Kaztalov aýdanynyń ákiminiń orynbasary, Oral qalasy ákimdiginde bólim bastyǵy, ákim keńesshisi, «Nur Otan» partııasynyń Batys Qazaqstan oblystyq fılıaly tóraǵasynyń orynbasary bolyp qyzmet atqarǵan. Oral qalasynyń máslıhat hatshysy, Syrym aýdanynyń ákimi qyzmetterin atqardy. 2017 jyldyń maýsym aıynan bastap Kaztalov aýdanynyń ákimi boldy.

Túrkistan oblysy ákiminiń ókimimen Túrkistan oblysynyń adamı áleýetti damytý basqarmasynyń basshysy laýazymyna Raqymbek Jolaev taǵaıyndaldy.

Raqymbek Qýatbekuly 1979 jyly týǵan, bilimi joǵary, mamandyǵy boıynsha fılolog, qazaq tili men ádebıeti pánderiniń oqytýshysy, iskerlik ákimshilik magıstri. Eńbek jolyn 2002 jyly Astana qalasynda Qazaq-Túrik lıtseıiniń qazaq tili men ádebıeti pániniń muǵalimi bolyp bastaǵan. Daryndy balalarǵa arnalǵan Kókshetaý Qazaq-Túrik lıtseı-ınternatynyń, Jezqazǵan qalasynyń daryndy balalarǵa arnalǵan Qazaq-Túrik erler lıtseı ınternatynyń, Qaraǵandy daryndy balalarǵa arnalǵan oblystyq Qazaq-Túrik erler lıtseı-ınternatynyń dırektory, «NurOrda» Qazaq-Túrik lıtseıiniń qazaq tili men ádebıeti páni muǵalimi, Qazaq Gýmanıtarlyq zań ýnıversıtetiniń prorektory qyzmetterin atqarǵan. 2018 jyldyń qyrkúıek aıynan bastap Astana halyqaralyq ýnıversıtetiniń vıtse-prezıdenti bolyp qyzmet etip keldi.

Aqmola oblysy ákimi apparatynyń jańa ádep jónindegi ýákili qyzmetine Aınagúl Balǵojaqyzy Janádilova taǵaıyndaldy.

Ol 1973 jyly Kókshetaý qalasynda týǵan. Sh.Ýálıhanov atyndaǵy Kókshetaý pedagogıkalyq ınstıtýtyn, D.Qonaev atyndaǵy Almaty gýmanıtarlyq ýnıversıtetin bitirgen. 1999-2018 jyldary QR Bas prokýratýrasy Quqyqtyq statıstıka jáne arnaıy esepke alý komıtetiniń Aqmola oblysy boıynsha basqarmasynda istedi. 2012-2018 jyldary osy Basqarma basshysynyń orynbasary laýazymyn atqardy. Osy taǵaıyndaýǵa deıin Aqmola oblysy boıynsha statıstıka departamenti zań basqarmasynyń basshysy boldy.

QR Memlekettik qyzmet isteri agenttiginiń Atyraý oblysy boıynsha departamentiniń basshysy bolyp Rýslan Medetov taǵaıyndaldy.

Rasýl Mahmuduly 1986 jyly Batys Qazaqstan oblysynda dúnıege kelgen. QazGZÝ-diń, QR Prezıdenti janyndaǵy Memlekettik basqarý akademııasynyń túlegi. «Bolashaq» baǵdarlamasy boıynsha Sheffeld (Ulybrıtanııa) ýnıversıtetinde magıstratýrany bitirgen. QR Joǵarǵy Sotynda ártúrli laýazymdarda qyzmet atqarǵan, Batys Qazaqstan oblysy ákimi apparaty basshysynyń orynbasary, sondaı-aq QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń memlekettik kórsetiletin qyzmetter departamenti basshysynyń orynbasary laýazymynda bolǵan. Ótken jyldyń qańtarynan beri QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Memlekettik qzymet departamenti dırektorynyń orynbasary qyzmetin atqarǵan. 2018 jyldyń 13 sáýirinen bastap Memlekettik qyzmet isteri agenttiginiń Aqtóbe oblysy boıynsha departamentin basqarǵan.

QR Prezıdenti Ákimshiliginiń jáne aýdandyq máslıhattyń kelisimderi boıynsha Býrabaı aýdany ákimi qyzmetine Áset Azamatuly Muzdybaev taǵaıyndaldy.

Áset Muzdybaev 1972 jyly týǵan. Sh.Ýálıhanov atyndaǵy Kókshetaý memlekettik ýnıversıtetin ınjener-mehanık mamandyǵy boıynsha jáne Kókshetaý ýnıversıtetin qarjy bakalavry mamandyǵy boıynsha bitirgen. 1992-2005 jyldary kommertsııalyq qurylymdarda istedi. 2005-2012 jyldary Qazaqstan Respýblıkasy Prezıdentiniń Іs Basqarmasy «Kazstroısıstema» AQ menedjeri, bólim basshysy, qurylys kompanııasynyń bas dırektory, Qazaqstan Respýblıkasy Prezıdentiniń Іs basqarmasy «Memlekettik rezıdentsııalar dırektsııasy» RMM ınjenerlik-tehnıkalyq bóliminiń basshysy bolyp istedi. 2012-2014 jyldary – Qazaqstan Respýblıkasy Parlamenti Sharýashylyq basqarmasy óndiristik ınfraqurylym basqarmasynyń basshysy, 2014 jyldan bastap 2019 jyldyń qańtaryna deıin QR PІB «Qaraótkel» RMK dırektorynyń orynbasary qyzmetin atqardy. Osy taǵaıyndaýǵa deıin Arshaly aýdany ákiminiń orynbasary bolyp istegen.

Avtor Marlan Jıembaı
Basty sózder: Taǵaıyndaý,
Joǵary qaraı