Aýa raıy
Astana 24 °S
Almaty 27 °S
valıýta baǵamy
USD 386.80
EUR 429.27
RUB 5.78
CNY 54.89

Qazaqstandy Ózbekstanmen jalǵaıtyn jańa avtojol ashyldy

2019 jyldyń 17 shilde 2019 14:25 650

BEINEÝ. QazAqparat – Búgin Beıneý aýdanynyń Tájen aýylynda «Beıneý-Aqjigit-Ózbekstan Respýblıkasy» baǵytyndaǵy respýblıkalyq mańyzy bar avtokólik jolynyń ashylý rásimi ótti, dep habarlaıdy QazAqparat tilshisi.

Saltanatty sharaǵa QR Premer-Mınıstri Asqar Mamın jáne Ózbekstannyń Premer-mınıstri Abdýlla Arıpov qatysty.

Bul avtojol «Tashkent-Samarqand-Núkis-Beıneý-Atyraý-Astrahan» halyqaralyq kólik dáliziniń bir bóligi. Jańa jolmen qazaqstandyqtar Ózbekstan arqyly ózge elderge shyǵa alatyn bolady. Ortalyq Azııa elderinen Aqtaý jáne Quryq teńiz porttary arqyly Kavkaz elderi men Eýropa baǵyty boıynsha tranzıttik avtomobıl aǵyny qalyptasady.

Joldyń jalpy uzyndyǵy 85 shaqyrymdy quraıdy. Qurylys jumystary 2017 jyly bastalǵan bolatyn. Nysanǵa barlyǵy 381 adam, 155 birlik tehnıka jumyldyrylǵan.

«Memleketaralyq mańyzy bar osynaý eleýli joba Qazaqstan jáne Ózbekstan elderiniń ekonomıkalyq damýyna úlken serpilis berip, ekijaqty yntymaqtastyqtyń artýyna septigin tıgizetin bolady»,-dedi Asqar Mamın ashylý saltanatynda.

Joǵary qaraı