Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstandyqtar óz ákimderine baǵa bere alady

2019 jyldyń 17 qyrkúıek 2019 14:08

NUR-SULTAN. QazAqparat – Habar arnasynyń jańa baǵdarlamasynda qazaqstandyqtar óz ákimderin baǵalaı alady, dep habarlaıdy QazAqparat tilshisi.

«Jańa maýsymda jańalyqtardy berý tásilin ótkirlep, saraptamalarymyz tereńdeı tústi. Materıaldar anaǵurlym erkin, ádil jáne túsinikti tilde aıtylady. Jańa baǵdarlamalarymyzdyń biri shartty túrde «Ákimder» dep atalady. Onda túsirilim toby óńirlerge, eldimekenderge baryp, halyqtan ákim týraly saýalnama alady. «Ákimdi tanısyz ba?», «Ol qandaı paıdaly jumys atqardy?» degen suraqtar qoıylady. Barlyq jaýapty jınap, jýrnalıst ákimniń ózimen júzdesedi», - dedi «Habar» AQ Basqarma tóraǵasy Erlan Bekhojın Ortalyq kommýnıkatsııalar qyzmetinde ótken baspasóz máslıhatynda.

Agenttik tóraǵasy Prezıdent Qasym-Jomart Toqaevtyń halyqqa Joldaýyndaǵy ákimderdiń qyzmeti týraly tapsyrmany eske saldy.

«Preızdent halyqtyń eń kemi 30 paıyzy tanymaıtyn ákimdi aýystyrý qajettigin aıtqan bolatyn. Bizdiń jańa baǵdarlama ákimderdiń jumysyn jandandyryp, halyqqa jaqyn ete túsedi», - dedi ol.

Aıta keteıik, «Habar» arnasy Instagram jelisinde jańa telejúrgizýshilerge kastıng jarııalady. Kastıngke kámelettik jasqa tolǵan, Instagram jelisinde akkaýnty bar kez kelgen azamat qatysa alady.

Jaqynda «Habar» agenttiginiń jańa telemaýsymy bastaldy. Agenttik quramyndaǵy respýblıkalyq «Habar» men «Habar 24», «Kazakh TV» jáne «EL ARNA» telearnalary jańa telebaǵdarlamalaryn tanystyrdy.


Joǵary qaraı