Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Qazaqstandyqtar jyl basynan beri jarty trıllıon teńgege kólik satyp alǵan

2019 jyldyń 21 qazan 2019 11:25

NUR-SULTAN. QazAqparat – Qazaqstan avtobıznes qaýymdastyǵynyń habarlaýynsha, 2019 jyldyń 9 aıynyń ishinde qazaqstandyqtar 499,8 mlrd teńgege 51 871 jańa avtokólik satyp alǵan, dep habarlaıdy QazAqparat tilshisi.

«Qyrkúıek aıynda eń kóp satylatyn markalardyń kósh basyna Hyundai tur. Dılerler toǵyz aıdyń ishinde Qostanaıdaǵy «SaryarqaAvtoÓndiris» kompanııasy shyǵarǵan 1345 avtokólikti (jyl basynan beri barlyǵy 10 008, ótken jylmen salystyrǵanda + 76 paıyz) ótkizgen. Toyota markasy qyrkúıek aıynda ekinshi orynǵa tústi (1 204, jyl basynan beri 10 524). Lada dıllerleri kúzdiń alǵashqy aıynda 957 dana kólik satyp, úshtikti qorytyndylady (jyl basynan beri 11 092). Ekinshi toqsanda Qostanaıda óndirile bastaǵan Ravon satylymy tez ósip, ótken aıda atalmysh markamen 559 avtokólik satyldy», - delingen habarlamada.

Qaýymdastyqtyń habarlaýynsha, satylǵan 10 avtokóliktiń segizi Qazaqstanda jasalǵan. 2019 jyly otandyq avtokólikterdiń aı saıynǵy úlesi 50 paıyzdan tómen túspeı, «Qazaqstanda jasalǵan» kólikterge suranys byltyrǵyǵa qaraǵanda 10 paıyzǵa ósken.

«Qazaqstannyń avtoóndirisi mańyzdy da, keleshegi kemel salalardyń biri bolyp tur. 2019 jyldyń toǵyz aıynda Qazaqstanda barlyq tıptegi 33,5 myń kólik shyǵarylǵan. Bul 2018 jylǵy qańtar-qyrkúıek aılaryndaǵy kórsetkishke qaraǵanda 47,5 paıyzǵa kóp», - delingen habarlamada.

Avtor Aıan Bekenuly
Basty sózder: Kólik, Ekonomıka, Ónerkásip,
Joǵary qaraı