Aýa raıy
Astana 5 °S
Almaty 16 °S
valıýta baǵamy
USD 386.70
EUR 427.15
RUB 6.06
CNY 54.57

Qazaqstandyqtardyń 3 mln teńge men avtokólik utyp alýǵa múmkindigi bar

2019 jyldyń 21 tamyz 2019 16:48

NUR-SULTAN. QazAqparat – 2019 jyldyń 21 tamyzynan 30 qarashasyna deıin «Túbirtekti talap et te – júldeni utyp al!» jyl saıynǵy aktsııacynda 3 000 000 teńge jáne avtokólik oıynǵa salynady. Bul týraly QazAqparat Memlekettik kirister komıtetine silteme jasap habarlaıdy.

Aktsııanyń maqsaty – azamattyq belsendilikti arttyrý, taýarlardyń, jumystardyń jáne qyzmetterdiń tutynýshylary retinde óz múddelerin qorǵaý máselelerinde azamattardyń quqyqtyq mádenıetin tárbıeleý, kóleńkeli ekonomıkanyń mólsherin qysqartý, sondaı-aq kásipkerler arasynda ádil básekelestikti yntalandyrý.

«Aktsııaǵa onlaın-BKM fıskaldy cheginiń derekterin jiberý jolymen taýardyń, jumystyń nemese qyzmettiń tutynǵanyn rastaǵan Qazaqstan azamattary qatysa alady. Chekti jibergennen keıin qatysýshy 5 000 teńgege deıingi qarajatty birden telefon teńgerimine alý múmkindigin alady. Jedel syılyqtardyń júlde qory 3 000 000 teńgeni quraıdy. Barlyq jiberilgen chekter aktsııanyń bas júldesi - avtokólik utys oıynyna qatysady. Eger fıskaldy chek berilmegen jaǵdaıda, azamattar bul buzýshylyqtarǵa vıdeo arqyly shaǵym jasaýy múmkin. Aktsııa kezinde utysqa onlaın baqylaý- kassalyq mashınasynyń fıskaldy chekteri qatysady»,- delingen Komıtet habarlamasynda.

Bas fınal jyldyń sońynda QR QM Memlekettik kirister komıtetinde ótedi. Onda baǵaly syılyqtar, onyń ishinde bas júlde – avtomobıl utysqa salynady. Utys jeńimpazdary chekti kezdeısoq tańdaý ádisimen anyqtalatyn bolady. Osylaısha, qatysýshy qanshalyqty kóp chek jiberse, júldeni utyp alý múmkindigi de sonshalyqty óse túsedi.

Aktsııa kásipkerlerdiń qolma-qol aqshamen taýarlardy satyp alǵany, jumystardy oryndaǵany jáne qyzmetterdi kórsetkeni úshin aqshalaı esep-aıyrysýlar kezinde chekterdiń berýin qamtamasyz etýge baǵyttalǵan.


Joǵary qaraı