Aýa raıy
Astana 16 °S
Almaty 14 °S
valıýta baǵamy
USD 386.91
EUR 428.81
RUB 5.79
CNY 54.79

Qazaqstandyqtarǵa eskertý SMS kelip jatyr

2019 jyldyń 18 shilde 2019 21:34 4012

NUR-SULTAN. QazAqparat – Qazaqstandyq uıaly baılanys operatorlarynan abonentterge qaýipsizdik sertıfıkatyn ornatý qajettigi aıtylǵan SMS kelip jatyr, dep habarlaıdy QazAqparat tilshisi.

«Qurylǵyǵa arnalǵan qaýipsizdik sertıfıkatynyń bolmaýy ınternet resýrstarynyń qoljetimdiligin shekteýi múmkin». Osy mándegi SMS -ter búgin Nur-Sultan qalasyndaǵy uıaly baılanys abonentterine kele bastaǵan bolatyn.

Atalmysh sertıfıkatty Kcell, Activ, Tele2, ALTEL, Beeline uıaly baılanysyn qoldanýshylary da ornatý qajet.

Bul málimetti atalmysh baılanys operatorlarynyń barlyǵy biraýyzdan rastap otyr.

«Atalmysh habarlamalar Qazaqstanda tirkelgen barlyq abonentterge joldanady. Ár operator óz abonentterine habarlama arqyly silteme jiberedi. Kórsetilgen siltemege ótý arqyly qaýipsizdik júıesiniń sertıfıkatyn kóshirý kerek. Kóshirilgen sertıfıkatty ornatý qajet bolady. Osydan keıin «Sertıfıkat sátti ornatyldy» degen aqparat keledi. Sol sátten bastap abonent Qazaqstan Respýblıkasynda kirýge múmkin emes saıttardyń barlyǵynan qorǵalatyn bolady». Baılanys operatorlarynyń qysqasha túsindirýi osyǵan saıady.

Mamandar qazirgi tańda ár túrli utystar týraly siltemeler kóp taraıtynyn aıtady. Qaýipsizdik sertıfıkatyn ornatý arqyly sondaı saıttarǵa esik jabylmaq. ıAǵnı, kúmándi siltemege ótýge árekettenseńiz de qaipsizdik júıesi sizdiń derekterińizdi hakerlik shabýyldan qorǵap qalady.

Operatorlar atalmysh silteme eldegi barlyq abonentterge taratylyp jatqanyn aıtady. ıAǵnı, ázirge ondaı SMS almaǵan adamdardyń alańdaýyna sebep joq. Silteme kelgen sátti kútip, ornatýǵa daıyn bolýy kerek. Mamandardyń aıtýynsha, abonenttiń hakerlik shabýylǵa ushyraýy úshin kúmándi siltemege ótýi mindetti emes. ıAǵnı qaýipsizdik júıesiniń sertıfıkaty bolmaǵan jaǵdaıda ınternet arqyly paıdalanatyn kóptegen qyzmetterge kiretin qupııa sózder men kodtardy urlaý ońaı. Qaýipsizdik júıesiniń sertıfıkatyn ornatý osy úshin qajet.

Joǵary qaraı