Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstannan Ózbekstanǵa «Dostyq kerýeni» attandy

2019 jyldyń 10 qazan 2019 11:23

ShYMKENT. QazAqparat – Búgin Shymkentten Ózbekstan Respýblıkasyna «Dostyq kerýeni» jolǵa shyqty, dep habarlaıdy QazAqparat tilshisi.

Quramynda assambleıa músheleri men zııaly qaýym ókilderi, jastar men BAQ ókilderi bar kerýen Qazaqstan halqy Assambleıasy men Ózbekstan ınternatsıonaldy mádenı ortalyǵynyń arasyndaǵy yntymaqtastyq týraly memorandým aıasynda saparlap qaıtpaq

Kerýendi shyǵaryp salý rásiminde qalalyq Qazaqstan halqy Assambleıasy tóraǵasynyń orynbasary Muratáli Qalmuratov pen SILKWAY halyqaralyq ýnıversıtetiniń prezıdenti Madııar ıÝnýsov sóz sóılep, is-shara baýyrlas eki el arasyndaǵy dostyq qarym-qatynasty nyǵaıtý maqsatynda uıymdastyrylyp otyrǵanyn aıtty. Ózbekstanǵa bet alǵan kerýen músheleri 10-12 qazan aralyǵynda Tashkenttegi Abaı eskertkishine gúl shoqtaryn qoıyp, Tóle bı babamyzdyń mazaratyna zııarat etedi. Ári qaraı Samarqandtaǵy Ámir Temir jáne Jalańtós bahadúrdiń, Buharadaǵy Bahaýddın Nakshbandıdiń kesenesimen tanyspaq.

Sonymen qatar, «Dostyq kerýeniniń» músheleri Ózbekstan ınternatsıonaldy mádenı ortalyǵy men Ózbekstandaǵy qazaq mádenı ortalyǵynda bolyp, ondaǵy qazaq jastarymen kezdesedi dep kútilýde.










Joǵary qaraı