Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

Qazirgi bilim berý modeli zaman talabyna saı emes – Saıasat Nurbek

2019 jyldyń 16 qyrkúıek 2019 11:44

NUR-SULTAN. QazAqparat – Elordada «Tsıfrlandyrý arqyly transformatsııa: Ýnıversıetter jáne sapany qamtamasyz etý» atty ekinshi Eýrazııalyq forým ótip jatyr, dep habarlaıdy QazAqparat tilshisi.

Shara aıasynda BAQ ókilderine suhbat bergen BTS Digital bilim berý jobalarynyń jetekshisi Saıasat Nurbektiń aıtýynsha, qazirgi ýaqytta bilim salasyndaǵy dúnıejúzindegi eń úlken másele bul sońǵy 200-300 jylda qalyptasqan bilim berý modeliniń búgingi problemalardy sheshe almaýy bolyp otyr.

«Bir ǵana mysal keltireıin. Biz sertıfıkattaý, attestattaý modeline sáıkes adamdy resmı baǵalaımyz. Biraq, onyń 5 synyptyń 3 toqsanynda bıologııadan alǵan «5 degen baǵasy ómirine eshqandaı qatysy joq. Ulttyq biryńǵaı testileýdiń bally da onyń ómirindegi sheshýshi faktor bolyp qalyptaspaıdy. Onyń ómirde tabysty bolýyna eshqandaı qatysy da, baılanysy da joq. ıAǵnı, biz qansha aqsha jumsap, ınfraqurylymdy jaqsartsaq ta adamnyń ómirde tabysty bolýyna, aıaqtan turýyna, turaqty damýyna bizdiń 20 jylymyz tikeleı qatysty emes. Sondyqtan bilim berýde jańa model bolýy negizgi másele bolyp tur», - dedi ol.

Saıasat Nurbektiń aıtýynsha, qazir álemde bul baǵytta úlken izdenis júrip jatyr. Aıtalyq, 2015 jyldan bastap eń damyǵan elder «Bilim-2030» jobasyn bastady. Atalǵan jobanyń aıasynda 5 iri memleket ózderiniń bilim modeline eksperıment jasaý ústinde. ıAǵnı, aldaǵy 5, 10 jylda búgingi qalyptasqan bilim modelin múldem túbegeıli basqa modelge kóshirý máselesi qozǵalýda.

«Sondyqtan bizde bul máseleni talqylaýymyz kerek. Jalpy barlyǵy kadrlyq saıasatqa baılanysty. Qansha mınıstr aýysyp jatyr. Ár mınıstrdiń óz kózqarasy bar. Al bilim salasy, onyń tabıǵaty baıaý qozǵalady. Nátıjelerin tez arada kóre almaıtyn sala. Bir nárseni ózgertseńiz, onyń nátıjesin 15-20 jyldan keıin ǵana kóresiz. Al biz onyń nátıjesin ólshemeı, kórmeı 5 jyldyń ishinde birneshe reforma bastap ketemiz», - dedi S.Nurbek.


Joǵary qaraı